كرنب محشي طعمه جناااااان

[ندعوك للتسجيل في المنتدى أو التعريف بنفسك لمعاينة هذه الصورة]

محشي الكرنب أو الملفوف
يـــــلا بينا نشوفه.. بيتعمل أزاي
أولاً المكونـات:
كرنبه _ شبت_ بقدونس _ كزبره حضراء _
بصل _ طماطم _ فلفل رمي وحامي _ ارز مصري لؤلؤي
_زيت دوار الشمس _ سمن بلدي
التوابل العاااامه يعني(( ملح _ فلفل أسود _ كمون _ كزبره ناشفه )) نضيف
عليهم .. نعناع ناشف او أخضر .. ريحــان .. توابل المحشي من فاين فوز

طـريقة التحضير:

طبعاً هتشتري الكرنبه .. هتقطعي الرأس وتفكاكي الورق..أو تقطعي ورقه ورقه من عنقدها العلوي
ضعي حله بهـا مـاء للغليان.. ولمـا تغلي.. ضعي فيها الورق .. طبعاً مش هتنزليهم مع بعض
هتنزلي 3 أو 4 ورقات علشان تعرفي تقلبيه من غير ما يتقطع
أو يتهري ..طبعاً هتسويه نصف سواء
يعني غلوتين فقط ..أوعي يتهري منك
مش هتعرفي تلفيه .. أنا قولت وانت ِ حره
لمـا تطلعيه من الماء.. أقطعي عرقه أو عنقوده من الرأس
لحد ما ينتهي بس اوعي تقطعي الورق معه
بعدها قومي بتقطيع الورق لجزل أو مربعات حسب الرغبه
وطبعاً حجم الورقه حسب الرغبه

[ندعوك للتسجيل في المنتدى أو التعريف بنفسك لمعاينة هذه الصورة]

وأتركيه لحد مـا يبرد وتعالي نعمل الصلصه

طريقة تحضير الصلصه:
بصل مقطع كتتتتير + فلفل رمي وحامي (( حسب الرغبه))
ضعي الحله على النـار وقليل من الزيت
وبعدها ضعي فيه البصــل

قــومي بتقليبه حد مــا يحمـــر

بعدهـا ضيفي الطماطم المعصوره عليه

وقلبيها

بعــدهـا ضعي الملح والفلفل الاسود وتوابل المحشي لفاين فوز والكمون
والنعناع و الريحان (ملحوظه النعناع والريحان كميات قليله .. الكمون كميه
كبييييييييييره )

وأتـــــركيها تتسبك كويس جدا
لحد مــا تنشف خاااااااااااااااااااااالص
وبعد مـا تتسبك ضفيهـا علي الارز المغسـول في الطبق البلاستك أو حسب الرغبه

بعــدها ضيفي عليهم الخضره المقطعه (( الشبت _ البقدونس _ الكزبره الخضراء ))

وقلبيهــا جيداً

هـا قلبتيهــــا

طيب دا شكلها بعد ما تتقلب[ندعوك للتسجيل في المنتدى أو التعريف بنفسك لمعاينة هذه الصورة]

خلاص كدا الخلطه جاهزه للحشو

تعالي نشوف بنلف الكرنب أزاي
طريقة الف الكرنب:
أول شيء أمسكي ورقه من ورق الكرنب
على صوابع يدك اليسري وضعي بها شوية الارز
وقومي بلفها باليدين معاً
أما الطريقة الاخرى .. أنك تضعي ورقة الكرنب على طبق .. وبعــدها تضعي شوية الارز

بعدها ابدأي بلفه على الطبق زي الجلاش الملفوف

ودا شكله بعــد اللف

جهزي حله بها قليل من زيت دوار الشمس وممكن وضع العروق اللي أنتِ شلتيها من الورق (( حسب الرغبه))

وابدأي في الرص بعد ذالك

حـاولي تكون الرصه منظمه

وياريت تحاولي تخلطي بين الورق الابيض والاخضر علشان كله يتأكل

حــاولي يكون مرصوص بدون لخبطه علشان كله يستوي مع بعضه ..

نظميه للنهــايه لكن أتركي في الحله

ارتفاع .. صابع يد أو أتنين

بعدها ضعي شربة الفراخ .. أو المـاجي

بكميه متساويه مع الكرنب أو أعلى شيء بسيط
علشان يطلع مفلفل
بعدهاضعي الغطاء بأحكام علشان البخار يفضل
داخل الحله
وطبعاً النــار بتكون مرتفعه كأنك هتسوي أرز عادي
يعني النـار مرتفعه ولمــا يتشرب الشربه
ويدخــل في الســواء أخفضي النــار خااااالص
مثل الشمعه
وأرفعي الغــطــاء وضعي
معلقة سمن بلدي من اللي قلبك يحبها

قومي بوضع الغطاء مره أخرى

وأتركيه لحد مــا يستوي خــالص
بعد ها أطفي النار عليه
وقدميه جنب الفراخ المحمره والملوخيه الخضراء
والسلطه أو حسب ما أنت ِ متعوده تأكليه جنبه
وأتفضلي الطبق

[ندعوك للتسجيل في المنتدى أو التعريف بنفسك لمعاينة هذه الصورة]

وبالهــنا والشفـــــا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

الله يا لومة ايه الجمال ده
انا أحب أضيف حاجة يا لومة وإدعولي

من التوابل بضيف برداقوش وروز ماري وكركم وبهار ......... وتحدي تقدروا تقاوموا الطعم

تسلملي يا لومة

[ندعوك للتسجيل في المنتدى أو التعريف بنفسك لمعاينة هذه الصورة]

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: انا أحب أضيف حاجة يا لومة وإدعولي

من التوابل بضيف برداقوش وروز ماري وكركم وبهار ......... وتحدي تقدروا تقاوموا الطعم

خلاص يا ماما هنـــــــــا ... هجرب الإضافات دى وأنا متأكدة ان الطعم هيكون أجمل وأروووع

يسلموووو الأيااااادى يا ست الكل
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» •* الفطيرة الإيطالية جناااااان
» حمام محشي بالفريك بالصور
» الدجاج مع البرغل جربوا طعمه اللذيذ
» كباب الدجاج طعمه جميل اولادك يحبوه
» الأرز بالخلطة واللحم المفروم طعمه راائع