قصيدة اعجبتني للشاعر المصري / احمد فؤاد نجم
واحببت ان تشاركوني قراءتها
......................
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال
بلاش المناكفة و لايم و عيش
هتتعب معانا و سهمك يطيش
ونلفق لاهلك قضية حشيش
تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هتعرف نهايتك فى بحر ووابور
وبعد ما كنت فى نفسك امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شامير
هيحلف حبايبك انهم شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى ولادك وابوك
مالكش انت دعوة بأية اللى ضاع
و مين اللى شارى و مين اللى باع
و مين اللى كيل و مين اللى شال
ومين بكرة يركب اعناق الرجال
اعقل وحب الحكومة و حب السلام
و علم ولادك يشدوا الحزام
علشان بكرة ياكلو بط و حمام
و ينسوا الاسية وحتى الخزوق
فلازم يا صاحبى تغمض عنيك
و طنش علينا نبشبش عليك
و اياك تثور لنقطعلك ايديك
ويصدق عليك اللى قال فاللى زيك
لا ارضا قطعت ولا ظهرا ابقيت
عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
موضوع: عزيزى المواطن بتاع النضال للشاعر احمد فؤاد نجم 
