حوار بين رئيس دولة وزوجته قبل انتخابات 2020.مضحك

حوار بين رئيس دولة وزوجته قبل انتخابات 2020.مضحك

[ندعوك للتسجيل في المنتدى أو التعريف بنفسك لمعاينة هذه الصورة] اسم السلسلة: حوارات و معانى حوار بين رئيس دولة وزوجته قبل الانتخابات الرئاسيه سنة 2020 الزوجة : صباح الخير يا زوجى العزيزالرئيس: مين ..؟ الزوجة : هاكون مين يعنى ؟ انا مراتك منصورة الزوج : محظورة؟ الزوجة : يوه .. انت لا بتسمع ولا بتشوف …. قوم خدلك حمام الرئيس: انا اكتر واحد باحب السلام الزوجة: الله يطولك ياروح .. اسمع هاجيبلك التليفون ..تسأل على بابا الاقباط الجديد احنا داخلين على انتخابات الرئيس: انا ماعنديش بنات الزوجة : يادى النيله .. خد ياعم التليفون .. انا ضربتلك النمره الزوج : ازيك ياعم الشيخ الزوجة : اشوف فيك يوم يا بعيد . باقوللك بابا الاقباط .. تقوله ياعم الشيخ .. قوله سلامتك ياابونا .. ولازم الاقباط ينتخبونى واقفل السكه على طول علشان ماتلخبطش فى الكلام. الزوجة : باقولك ايه يا زوجى العزيز .. مابلاش انت ترشح نفسك المره دى.. سيب فرصه لإبننا .. ده ابنك برضه الرئيس : لا لا .. إلا الانتخابات الزوجة : اشمعنى دى سمعتها على طول …. على كل حال إبننا عجز هو كمان وبقت صحته على قده .. أصلك طولت قوى فى الحكم .. طيب ها تعمل ايه فى المعارضة الرئيس : كورة مين اللى جت فى العارضة ؟؟ الزوجة : يارب توب على .. انا مش عارفه عزرائيل تايه عنك فين ..جهز نفسك هتقول كلمه فى مجلس الشعب .. وخللى بالك رئيس المجلس هيجيبوه من الانعاش على المجلس على طول و وزير الإعلام معلق المحاليل وهيكون موجود الرئيس : طيب والجدع الطويل قوى ده موجود الزوجة : ايه نسيت إسم رئيس الوزراء ..موجود هيروح فين يعنى .. أهو مرزوع بقاله عشرين سنه والقوطه بقت ب100 جنيه واللحمه الكيلو بخمسميت جنيه و الناس هتاكلنا .ولا أبو شعر سايح اللى خلى طن الحديد ب50000 جنيه والناس بقت تبنى بالطين .. على كل حال الشعب نفسه قرب يموت ..روح الحق يشوفوك قبل ما يموتوا كلهم الرئيس : طيب الجدع المطبق اللى ماسك وزارة الحشيش الزوجة : قصدك الجيش مش الحشيش . .إنت بقيت بتلخبط كتير ..لسه عايش ياسيدى .هيجيبوه 2 عساكر يحطوه على الكرسى ولما تخلص كلمتك هيبقوا يرجعوه المستشفى الرئيس : طيب خليهم يجهزولى الطياره الحربيه هاعمل طلعه جويه على مجلس الشعب الزوجة : ياأخى !!.. انت لسه عايش فى الدور هوانت فيك نفس .. بس اياكش تلحق توصل .. وقولهم كلمتين عن البنيه التحتيه ..وان الحكومه هتوفر الفول والطعميه .. وهاتخليهم على البطاقه الذكية ..وإنك نفذت خمس اسداس البرامج الانتخابية الرئيس: طيب وإن سألونى عن فلسطين الزوجة: فلسطين ماخلصت من زمان.. خديتها اسرائيل .. وفتح وحماس بيتخانقوا على رفح دلوقتى الرئيس : طيب وكان فين رئيس المخابرات الزوجة : تعيش انت ..ده سابنا ومات الرئيس : طيب خلصينى علشان عاوز اسافر ليبيا اقابل القذافى الزوجة : القذافى تعيش انت من خمس سنين ..وابنه اللى مسك الحكم وفى بلاده كل شىء ماشى الرئيس : طيب اروح عند الملك عبدالله فى السعودية الزوجة : تعيش انت من كام سنه .. مانفسكش فى ملوخية الرئيس : طيب اسافر فرنسا اشوف ساركوزى الزوجة : تعيش انت من زمان وجنازته خرجت من الشانزليزيه الرئيس : طيب اروح امريكا الزوجة : مش عايزين يشوفوك .. زهقوا منك ياويكا .. وانا كمان زهقت منك .. خليك فى السرير هنا وهابعت الدوبلير بتاعك الواد مزيكا الرئيس : امرك يا زوجتى يا مفتريةالزوجة : قال يعنى انت اللى كلك حنية