حوار بين مواطن والمرشح صاحب رمز الحمار..مضحك جدا

حوار بين مواطن والمرشح صاحب رمز الحمار..مضحك جدا

[ندعوك للتسجيل في المنتدى أو التعريف بنفسك لمعاينة هذه الصورة] اسم السلسلة: حوارات و معانى
المذيع : صباح الخير يامواطن انت مش رايح الانتخابات المواطن : ربنا يكفينا شر النيابات المذيع : ياعم انا بقولك انتخابات ..انت فلاحين ولا عمال المواطن : انا عطلان.. الحكومة الله يكرمها خلليتنى لا محصل فلاحين ولا عمال المذيع : شكلك مستقل المواطن : حرام عليك انا مش مستغل ..انا الحكومة هى اللى استغلتنى ومصمصتنى المذيع : على كده انت هتسعى للتغيير للديمقراطية المواطن : أنا فعلا بحب الملوخية المذيع : اللهم طولك ياروح .. تعالى معايا انا أدلك على الصندوق الانتخابى المواطن : على كده هتشغل الواد إبنى ولا انت من بتوع الخمسين جنيه و بتوع الوجبة المذيع : أنا ياعم لا من دول ولا من دول .. أنا مجرد مراقب للإنتخابات ..وهأوصلك علشان تدلى بصوتك المواطن : وإنت لما مالكش فى حاجة من دول .. مضيع وقتى معاك ليه وسحبنى معاك المذيع : أنا مجرد فاعل خير .. وعايز أدلك على مكان الانتخابات وتختار المرشح اللى ينفعك المواطن : انت باين عليك مش فاهمنى .. أن جاى أشغل الواد إبنى اللى معاه دبلون تجارة .. وقالولى انتخب رمز الحمار ..علشان الحمار هيشغل إبنى المذيع : إنت عارف مين هو صاحب رمز الحمار ..؟؟ المواطن : أنا ماليش دعوة بإسمه ..أنا عايز الحمار وبس إن شالله يطلع قرد بعد كده ..أنا ماليش صالح بيه ..المهم الواد إبنى يلاقى شغلانه المذيع : بس انت عارف ان صاحب رمز الحمار ده سمعته مش هيه..ومرتشى وبلطجى المواطن : ومالها يعنى لما يكون طرشجى ولا كفتجى ..مش أحسن من الإيد العطلانة .. دى أرزاق وكله بياكل يا مولانا ..مولد وصاحبه غايب .. وعاد المذيع يكتب فى تقريره ..وهكذا حضر المواطن الى صندوق الانتخابات و أدلى بصوته وهو بكامل قواه العقلية والذهنية وإنتخب الحمار الذى دخل مجلس الشعب وتألق بعد ذلك