حاولت كثير اتغير ومش عارف

مشرف القسم الاسلامى علم بلدك :

حاولت كتير اتغير بس مش عارف
مفيش فايدة فيّ...

خذت خطوات بجد و بصدق
و حاولت كتير بس على طول بافشل!
انا تعبت مش عارف اعمل ايه :(

لسان حالنا كلنا بيقول كده
لما بنفشل في الاقلاع عن المعاصي
بس طبعا مش معناه ان تركها مستحيل

ابن القيم رحمه الله بيقول:
" لو توكل العبد على الله حق توكله في إزالة جبل عن مكانه
و كان مؤمورا بإزالته لأزاله"

يعني لازم اول حاجة نتوكل على الله بجد
و ندعيه في جوف الليل و في كل وقت
انه يعيننا على ترك المعاصي
او الثبات على الطاعات
لان الانسان لا حول له و لا قوة

تاني حاجة الصـــبـــر

الصبر معناه ايه؟
يعني حبس النفس على طاعة الله
و حبسها عن المعاصي
و حبسها عن التسخط على اقدار الله عز و جل

يعني مش هنقدر نثبت على طاعة الا بالصبر عليها
باذن الله تعالى
و منقدرش نسيب معصية غير بالصبر على حرمانها

يعني مثلا واحد بيحب واحدة
اكيد هيكون فراقهم صعب
بس عشان هو بيعمل كده لينال رضى الله
و بيتوكل عليه سبحانه و تعالى

فلازم يصبر :)

عشان ميضعفش قدام الشيطان

بنقوله اصبر و لك الجنة :)

واحدة عايزة تلتزم بالزي الشرعي
بس صاحباتها بيترقوا عليها
و اهلها بيضغطوا عليها
فهي لازم تصبر و تتوكل على ربنا

بنقولها اصبري و لك الجنة :)

و ربنا بيقول و بشر الصابرين

الحسن البصري قال كلام جميل اوي
على الموضوع ده، قال:
" انكم لا تنالون ما تحبون الا بترك ما تشتهون
و لا تتركون ما تشتهون الا بالصـــــبـــــر"

شوف بقى انت عايز ايه
و إدي مقابل مكانه و اصبر :)

و انتي كمان اختي في الله :)

يلا بقى نتعلم الصبر
و ندعي ربنا انه يعينا جميعا

يلا بقى نتغير

اتغير عشان ربنا
اتغيري و توكلي على الله

استعينوا بالله و اصبروا :)
لان الله ابدا لن يضيعنا

اصبروا و لكم الجنة باذن الله تعالى

-------------------------------
[ندعوك للتسجيل في المنتدى أو التعريف بنفسك لمعاينة هذه الصورة]

شكرا استاذ السيد على موضوعك الرائع بارك الله فيك
وجزاك خيرا على كل ماتقدمه من موضوعات
ومعلومات روعه تفيد الانسان فى حياته وتكون طريقه الى الجنه

[ندعوك للتسجيل في المنتدى أو التعريف بنفسك لمعاينة هذه الصورة]

مشرف القسم الاسلامى علم بلدك :

جزاك الله خيرا استاذ سعيد
رزقنا الله واياك الاخلاص فى القول والعمل

بااارك الله فيك استاذ سيد ..
جعله الله في ميزان حسناتك إن شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]