أفكار لؤلؤيه للتجهيز لرمضان لتوفير الوقت و الجهد وإستغلال الوقت للعباده

[ندعوك للتسجيل في المنتدى أو التعريف بنفسك لمعاينة هذه الصورة]

رمضان جاى على الأبواب إن شاء الله (( اللهم بلًغنا رمضان ))

و عايزين نستغل كل دقيقه فيه فى طاعه بإذن الله

و كل ست بيت بتبقى محتاره ..... نفسها تعمل أحسن أكل و حلويات و مشروبات لأسرتها

و نفسها فى نفس الوقت إنها تقرأ أجزاء عديده من المصحف فى اليوم

و بيبقى صعب التوفيق بين الإثنين

و كمان بيبقى فيه عزومات و أيام بتضيع فى تحضير العزومه

دى عدة أفكار بتقلل الوقت و الجهد فى المطبخ ...

علشان تقدرى تقرأى عدة أجزاء من المصحف فى اليوم الواحد

و يبقى فيكى حيل تصلى صلاة التراويح سواء فى البيت أو المسجد .....

و فى نفس الوقت تكونى عملتى أحسن أصناف فى أقل وقت و بأقل جهد بإذن الله

سأحاول أسرد عدة أفكار ببساطه و بسرعه علشان ما تزهقوش
[ندعوك للتسجيل في المنتدى أو التعريف بنفسك لمعاينة هذه الصورة]
1- قبل رمضان إكتبى إحتياجات البيت

( أكل - مشروبات -توابل - صابون - كركديه - تمر هندى -دوم - ملح .... كل حاجه )

فى ورقه و إبتدى جمعيها علشان لا تضطرى تشترى و تنزلى فى رمضان و تضيعى وقت العباده .

2- عمل كميه كبيره من البصل المفروم و تعبئتها فى أكياس و حفظها فى الفريزر.

3- عمل ثوم مفروم و تجميده مفروم فى علبه محكمة الغلق

4- عمل عصير كميه من الطاطم المعصوره و تعبئتها فى أكياس فى الفريزر

( و إذا لم تتمكنى من ذلك ممكن تجميد الطماطم كما هى

و عند تسييحها حتلاقى قشرتها إنفصلت عنها ...

إنزعيها و إضربيها فى الخلاط بتبقى كأنها طازجه بالظبط )

5- إعملى كميه من اللحم العصاج و جمديه فى الفريزر و يبقى سهل و جاهز وقت الحاجه

6- عمل كميه من ((للحم العصاج المضاف إليه عصير طماطم و ملعقة صلصه و تبليها

و جمديها ))) بتنفع ( لعدة أصناف .. للمكرونات - المسقعه ....)

7- إعملى كميه كبيره من ((صلصة الطبيخ : تحمرى البصل فى سمن ثم تحمرى اللحم

حتى يتماسك ثم تضيفى عصير الطماطم و تترك حتى يبقى اللحم نصف سوا

ثم تضيفى الملح و الفلفل )) و تبقى يادوب جاهزه على وضع الخضار فيها

و قسميها فى أكياس كل كيس يقضى طبخه و جمديها

(بدون وضع الخضار فيها و لما بتسيح بتبقى كأنك لسه عاملاها بالظبط ))

و بعد ما تسيح وقت الحاجه ضيفى الخضار اللى إنتى عايزاه عادى خالص .

8- إعملى خلطة المحشى

(( البصل و الخضره و الطاطم و اللحم المعصج و السمن و الملح و الفلفل ))

و ممكن تعطيها غلوه على النار لو عايزه و ممكن لأ...

و جمديها للمحشى بدون وضع أرز نهائى ...

و لما بتسيح بتبقى كأنك لسه عاملاها بالظبط

و بأقول تانى (( بدون وضع الأرز ))) تضعى الأرز قبل عمل المحشى مباشرة .

9- إشترى دماسة فول

((حجم كبير علشان لا يحدث فوران للفول و هو على النار و يطفى النار و العياذ بالله ))

و تعلمى طريقة تدميس الفول (لو كنتى مش بتعرفى تدمسيه ( سهل جدا ) )

حتوفرى وقت و جهد كبير بوجود الفول المدمس للسحور فى البيت وقتما تشائين

و فننى و نوًعى فى أصناف الفول كل يوم على السحور.

10- إعملى الزبادى فى البيت ( سهل و الله ) و لا محتاج جهاز و لا حاجه خالص

... ينفع للسحور طبعا و للسلطات مع الفطار و بعض أصناف الحلويات

...و يبقى عندك كميه تحت إيديكى إنتى اللى عاملاها .

11- لو عندك إبتداء من دلوقتى شوربه زياده (( عبئيها فى أكياس و جمديها ))

و شيليها فى الفريزر تنفع فى شوربة الفطار ( الشوربه صنف ثابت طبعاً كل يوم )

فى رمضان

12- بعض الأصناف كاملة التجهيز إكتشفت إنها لا تتأثر بالتجميد نهائى

بشرط إنك تحكمى الإغلاق و من هذه الأصناف
:
* صينية جلاش بالجبن أو اللحم
* صوانى الرقاق
* الكنالونى كاملا

و ممكن تعملى عجينة الكريب و تحتفظى بالأقراص

هى اللى تجمديها و لما تسيح تبقى إحشيها عادى خالص
* خرشوف بالبشميل
* مسقعه بالبشميل
* الحمام المحشى فريك
( يبقى كامل النضج لكن لا تحمريه إلا لما يسيح و قبل التقديم

تسخنيه و تحمريه )
الحمام المحشى أرز لأ...لأ...لأ ...الأرز بيعجن ..

لكن الفريك مش بيعجن نهائى .

* المشروبات مثل الكركديه و التمر هندى و الدوم

13- إعملى عصير المشمش فى البيت و جمديه فى الفريزر بيبقى أحلى من قمر الدين

14- لو عندك عزومه (( ممكن تعزمى الناس فى الوقت اللى إنتى عندك عذر شرعى فيه

و فاطره مش صايمه )) علشان تبقى ما ضيعتيش وقت العباده

و كمان علشان تعرفى تدوقى و تظبطى طعم الأكل كويس .

15- ما ننساش طوووووول ما إحنا بنطبخ فى المطبخ نشغل قرآن

(( لأن أجر السامع كأجر القارىء))

سوره محببه إلى قلبك من قارئك المفضل مثلاً..تخيلى بقى بتطبخى ...

و كمان بتاخدى ثواب الطبيخ و ثواب القرآن ...

و كمان الأكل بيطلع أحلى و أطعم ده حقيقى مش هزار .

و يا ريت لو أى أخت عندها فكره تضيفها كمان علشان الكل يستفيد

و كل سنه و إنتوا طيبين

منقول للأهميه وعموم النفع بإذن الله

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

بالظبط كإنك بتقولي اللي بعمله كل سنة
ههههههههههههه

بس في حاجة نسيتي تقوليها السمبوسة والبانية الجاهر على التحمير

كل سنة وانتي طيبة ورمضان كريم عليكم

[ندعوك للتسجيل في المنتدى أو التعريف بنفسك لمعاينة هذه الصورة]

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: بس في حاجة نسيتي تقوليها السمبوسة والبانية الجاهر على التحمير

ايه ياماما هنا حرام عليكى انا فكرت انك هتترجمى اللغه الاجنبيه بتاعة دروز طلعتى بلغه المانيه احنا فاهمين الانواع بتاعة دروز لما تقولى البانيه والسمبوسه احنا من فلاحين اهلنا يقطعونا لو اكلنا الاكلات الغريبه دى
وبعدين دروز موضوعها كبير وعايز ايام وعايز مترجمين بس انشاء الله احاول افسره علشان شكله حلو يفتح النفس واخلى المدام عندى تطبقه بس رجاء رفقا بنا خاصه فى رمضان بلاش الاكلات التفطر دى
وعموما اشكركم وعايز اعرف السمبوسه لكن المسقعه ممكن اعرفها وكمان الحمام بالفريك سمعت عنه فى كتب الاكل
شكرا لكم

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: بالظبط كإنك بتقولي اللي بعمله كل سنة
ههههههههههههه

بس في حاجة نسيتي تقوليها السمبوسة والبانية الجاهر على التحمير

كل سنة وانتي طيبة ورمضان كريم عليكم

برافو عليكى ماما هنا .. أنا كمان أجهز حاجات المشكله عندى فى ضيق الفريزر هههههههههههه

بالزمه مش إحنا ستات كده (10 على 10) .. وكل سنه وانتى بألف عافيه

عدت منى السمبوسك والبانيه ..فعلا بيوفروا وقت جاااااااامد

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: وعايز اعرف السمبوسه

إيه ياعم بدوى كلنا فلاحين ولا فاكرنا أتراك ههههههههههه

وبعدين جيت فى سمبوسه؟.. انا قلت هيطلب حاجه كبيره

من العنتين والله .. أنزلهالك.. ولو مالقبتهاش أكتبهالك زى ما أعملها فى بيتى

وذنبك على جنبك بقى ههههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: إيه ياعم بدوى كلنا فلاحين ولا فاكرنا أتراك ههههههههههه

إيه يا نانا انتي بتخبطي في الحلل وألا إيه هههههههههههههههه

وبعدين هو في أحلى من أكل الفلاحين بالعكس له مذاق رااائع حتى لو كان فراخ وارز

نيجي للمعلومة التوضيحية علشان خاطر الاستاذ سعيد

السمبوسة دي من المعجنات بتحشي بأي شيء
لحمة عصاج - فراخ زي الشاورمة - بطاطس مسلوقة - جبنة مع فلفل رومي
وتقلى
وهي بتكون على شكل رقائق
وفي نوع ممكن يؤدي نفس الغرض عبارة عن عجينة لما تدخل الفرن تورق وتبقي طبقات
وهي تحشى كذلك

والبانية هو صدور الدجاج المخلية وتغطى بالبيض والبقسماط وتقلى

وبالهنا

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]

وادى ماما هنا وفرت لنا شرح توضيحى متكامل

مبسوط ؟ وبألف هنا

مشكوووووووووره يا جميل

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]