شاى التموين جيبته مرة وبعدها
عرفت قديه الحكومة بتحترم الشعب
وكل شوية مفيش غير الكلام عن الدعم
ربنا يخلى الحكومة وياخد الشعب
ما بيطلعش منه غير تعب القلب
مش كفاية بتاخد زيت ورز وسكر
عايز ايه من كدا اكتر
وفيها ايه لو الشاى مينشربش
وايه يعنى لما الزيت
يعمل بقع على الجسم
ويجيب المرض والهرش
وايه يعنى لما الرز ميتكلش
وفيها ايه لما السكر مبيسكرش
كله الا الشاى
لا تقول لبيتون ولا الجوهرة
كل دى شايات منظرة
شاى التموين سكرة
لو شربت كباية
تفقد الوعى وربنا يستر على الذاكرة
شاى التموين مفخرة
ربنا يخلينا الحكومة والمسئولين
نفسى بس مرة يفكروا يشربوا شاى التموين
بجملة الضحك على الشعب ويقولوا اننا متضامنين
نفسى مرة يحسوا يعرفوا ان دة مش شاى دة مسخرة
وياريت يلغوا التموين ويلغوا الدعم وكفاية منظرة
موضوع: شاى التموين 
