من اجلكم رشحت نفسى(عمى هريدى)
اعداد\سعد الشرقاوى
سنــين ظلام مرت عــلينا
والشمس غابت عــــنـّــنا
والظلم جانا وعــاش معانا
والفتـنه سكــــنت ارضنا
ناس من بعيد بيتاجروا بينا
وبيوقــّـعـونا ف بعــضنا
وتوهنا على ايدهم زمان
وحاربنا خـــالنا وعــّمنا
وشقــّوا فى الوحده صفوف
وشتـّـتوا من شـــــــملنا
وزرعـــوا باديهم خـراب
عــــلشان نقـتـّـل بعــــضنا
وكــتمواصوتنافي الصّد ور
وعشنا غربا ف ارضنا
وسمّعونا احـــلى الكــــــلام
وحـــــــيّرونا ف امرنا
شيخ العرب لمّا هرب
كلمتـنا ماهش منـّـنا
والى هرب لمّا اغتصب
ونهب تراثـنا ومجدنا
وبلاش نقول كل العرب
خلينا فى العزبه هنا
دا مرض سريع الانتشار
اعراضه بانت عندنا
وتاريخـنا واضح من زمان
فى الاعتماد على نفسنا
حتى العلام الليّ احـــنا فيه
شاريـيـنه بفلوس اهـــلنا
وهدينا للصحــّــــه المكان
والمبنى شامخ عـــــندنا
مرضيــــتـش تدّينا العلاج
ولا بالدكاتـــــــره تمـّدنا
ولا شوفنا يوم احتاجنا فيه
لدخـــــيل يوحّـــد صفـّـنا
بجــــــميل يعلّم بيه عــلينا
ونقــــــبلوه عـلى د ّمـنا
اهل البلد متجمّعــين
والقاعده كات عندى هنا
فى التوته كانواملمومين
والاتفاق كان عندنا
قالوا الهريدى نرشـّحوه
اهو يبقى واحد منـّـنا
بلسان فصيح للمسؤلين
يقوم ويطلب حقــّـنا
كتبنا اسمه ع الغيطان
وصورته على لحف القـنا
فى يافطه عاليه ع الحيطان
رافعينها فوق المأ ذنه
ابو الشهامه ومش غريب
وابوه ابونا وعّمنا
كان يوم نجاحه احلى عيد
والفرحه ماليه قـلبنا
وانزاحت الغـمه خـــلاص
والنور ح يملى ارضنا
والميّه تطلع فى العــلالى
وآلـو 0وآالى ف حـيّــنا
وطريق يوصّـل للغـيطان
كـل الامان بقى عــندنا
عـشان صحـينا وبعـنيـنا
اخــترنا واحــــد مـنـّـنا
وبيه نكـــيد كل الاعادى
ونرفـــعوه عـلى كـــتفنا
ونايـــّــدوه وننجّــحـــوه
لو حتى ف محــافظة قنا
ونكــــسّروا كل القـــيود
وبـيه ح نهجــــر سجـننا
ونعوّضوا كل اللىّ راح
ونبنى جــامعه ف ارضنا
والهريدى ياناس حبيـبنا
ونعــرفــوه من صغــرنا
شارك معانا فى الكــفاح
وضــا ق مرارة صــبرنا
طول عمره عايش فى الظروف
طول عمره شايف هــمنا
وبيواســـــينا فى الهموم
وبيــشا ركــنا ف فــرحنا
وبينسا نايبه عشان حبايبه
وان غبنا يسال عنـّـنا
ولــو بروحـــنا نايـّـدوه
يبقى افتخار وشــرف لنا
وبعد منها بشهر واحد
ترك بلدنا وحيـّـنا
تلفونه دايما مش متاح
و العدّه ضاعت من سنه
لو فيه وظيفه واللا ميزه
واخدها يوم على حسّـنا
يروح يبـيعها للغريب
ويسيـبنا نهرى ف بعضنا
فى البرلمان عمّال يسقــّـف
وسقـفه واجع قلبنا
فاكرينه بيسقــّف معانا
اتاريه بيهتف ضّدنا
والصحرا لما يقسّموها
نقول ح ناخد حقــّـنا
اتارى كومه ماكفــّاهوش
جىّ يزاحمنا ف ارضنا
وروحنا يوم نسأ ل عليه
نشوفوا ايه عمل لنا
قابلنا واحد كان غفير
قال الهريدى مش هنا
رجعنا وف وسط الطريق
ماشيـين بنـندب حظـّـنا
وبقالنا كام دوره ياناس
عايشين نجـّرب بختـنا
وكل مره نقولوا بكره
ح نعيشوا يوم من نفسنا
وييجى بكره يجر بكره
كانه بايت من سنه
انا رأيى واحد منـّـكم
يقدر يشيل يوم همنا
على الايميل يبعت بطاقته
ويبقى نائب عنـّـنا
موضوع: من اجلكم رشحت نفسى 
