كل شىء عن الثانوية السودانية 2018

ا البوست ده لطلاب الدفعه الجديده هيجاوب علي معظم اسالتكم يا ريت الدفعه الجديده تجمع هنا و ياريت بردوا الدفعات القديمه ودفعتي يكتبوا هنا ويحكوا عملوا ايه وذكروا ازاي عشان الناس تستفاد وارقام مدرسينهم و المكاتب اللي لبستهم واتصرفوا ازاي و كل حاجة ….

الاول قبل اي حاجة تصلي علي النبي و تصلي استخاره كده وتشوف قرار السودان ده مناسب ليك ولا لأ و تشوف بعد البوست ده و الكومنتات هتتشجع وهتقدر علي السودان لو ااه يبقي امشي في الاجرائات اللي تحت دي

1- هطلع بيان نجاح من الادارة التابع ليها ---- بيان نجاح تالتة اعدادي و بيان نجاح ثالته ثانوي الورقة بي 15 جنية

*اللائحه نزلت و بتقول لازم 2 ثانوي سوداني او 3 ثانوي مصري و ناجح فيها ومختومه من الاداره العامه للامتحانات
*

بيان النجاح موجه للسودان اهم حاجة

2- هتخطم بيانات النجاح من مديرية التربية و التعليم اللي تابع ليها ببلاش و من مبني محافظة اللي تابع ليها الورقة ببلاش و من الخارجية اللي في بلدك الورقة بي 11 جنيه الورقه ومن السفارة السودانية في الدقي الورقة بي 120 جنية

3- (جيش)تصريح سفر من الجيش(ولاد) و تصريح امني من مجمع التحرير (ولاد وبنات) لو سنك ما بين 18 اللي 45

مشكلة التصريح الأمني انك لازم تجيب افاده من السودان انك مسجل في مدرسة هناك عشان تسافر شوف الجروب فيه ناس كتيير هناك في السودان ممكن تسعدك واي حد عايز يساعد ممكن يقول في الكومنس عشان الناس مدورش كتير

5- تحجز طيران رايح جاي اوفرلك ترجع علي نص 4 حوالي 3000 جنية مصري رايح جاي علي السودانية للفرد او اقل شوية او اكتر علي حسب سعر الدولار
*تحديث اسعار التذاكر زادت بقت في حدود ٥٠٠٠ .. ٤٠٠٠ *

كده هتطلع علي المطار معاك فلوس و شنطتك و ورقك البيانات ومعاك التصاريح هتوصل انزل في فندق اي فندق استحمل اسبوع في الاسبوع ده تدور علي سكن ومدرسه و تقابل المدرسين اللي هتتصل عليهم قبل ما تسافر تشوف سناتر كده يعني خليك ناصح

6- هتوصل هناك هتعمل معادلة جمب جامعة الخرطوم ( مركز الامتحانات) بحوالي 50جنية سوداني

كده انت ورقك جاهز وكامل ناقص تبقي ساكن و معاك مدرسين او في مدرسه سودانيه خاصه اوحكوميه او نموذجيه انا من في مدرسه خاصه اسمها القبس في اركويت تكلفتها 10000 سوداني يعني 8000 مصري و مختش ولا درس اعتمدت عليها اعتماد كلي وجبت الحمدلله مجموع اللي يدخلني اللي انا عايزه مستريح ان شاء الله

*تحديث دخلت هندسة عين شمس الحمدلله*

*تعديل المفروض فيه لائحه هتنزل كمان اسبوع اتنين في شهر 10 معرفش هتنزل امتي بس لو نزلت وبقي فيها حاجات جديده و شروط جديده يبقي كل الكلام ده هيتعدل لشروط اوحش تعجيزيه و للعلم السنه اللي فاتت نفس الكلام واللي قبليها و مفيش حاجة بتحصل مش عارف ايه اللي هيحصل *

* تعديل تاني اللائحه نزلت و بتقول لازم 2 ثانوي سوداني او 3 ثانوي مصري و ناجح فيها*

اسامي مدارس ممكن تفيدكم

النموزجية:
علوية عبدالرافع النموزجية
الخرطوم النموزجية
اسماء عبدالرحيم النموزجية
الحلفاية النموزجية
العودة النموزجية
الشيخ المصطفي امين

الخاصة
المنار الجديد الخاصة
النوابغ الخاصة
القبس الخاصة
التعليم البريطاني الخاصة

النموزجيه اعلاهم بس مش معني كده الاوائل منهم بس في الخاص فيه اوائل صاحبي الدسك اللي جمبي من الاوائل
وانا عن نفسي برشح ان الناس تروح مدارس و تبعد عن المصريين تبقي وسط سودانيين و متخفوش من اللغه و طريقه الشرح مش معقده يعني

7-علي شهر 10.....هيطلب منك 150 دولار تقديم في الوزارة بالورق اللي عملته و عدلته

8- مصاريفك الشخصية حوالي 1000 جنية سوداني في الشهر ممكن تقل و ممكن تزيد انت و شخصيتك....انا كنت بصرف 800 او ممكن 1000 في الشهر سوداني

9- -الايجار ممكن من 1000 لي 7000 سوداني و انتي و اختيارك برده في الشهر يعني هتعد مع حد ولا لأ يعني هتقسم الفلوس هتفاصل كام اوضه كل دي حاجات علي حسب الظروف ...انا ايجاري لوحدي كان 2700 سوداني

علي ايامي ال 1000 سوداني بي 800 مصري مش عارف كام دلوقتي بس قريب من الرقم ده

* تحديث حسبي الله ونعم الوكيل الدولار شطح*

في اسبوع تبقي مستقر وتبدا المشوار

--------

المنهج السوداني
7 مواد وكل مادة عليها 100 درجه

---------------

1- الانجليزي :
جرامر بسيط اول صفحه وقطعه تحل عليها و تلخيص وكتابه حوالي 150 كلمه وبعدين الامتحان بيتقسم الي قسمين

القسم الاول :
الجرامر تاني وده اصلا ما بستش فيه يعني متعبتش نفسي وخدت ال قصه اضمن

القسم التاني
القصة... ودي بتاخد قصتين صغيرين ممكن يخلصوا في يوم قرايه

رأيي انا شخصيا هو ان القصة اسهل بكتير ومضمونه عن الجرمر
----------------

2- التربية الإسلامية ( الدين) :
ودي بتحفظ سورة النور عليها 40 درجة والميراث من 15 ل20 درجة وباقي الدرجات احكام واداب واحاديث

---------------

3- الأحياء :
دي عليك فيها 3 دروس
التكاثر 40 درجة
الوراثة 40 درجة
النظام البيئي 20 درجة

4- الفيزياء :
فيها 4 دروس
- المجال التثاقلي والحركة الدائرية وحركة الكواكب والاقمار الاصطناعية
- الموجات والضوء
- المجالات المغناطيسية والكهربية
- الذرة والاتصالات

5- الكيمياء :
المنهج مكون من 9 دروس
- الكيمياء العضوية
- الأحماض والقواعد
- التحليل الكيميائي الكيفي
- التحليل الكيميائي الحجمي
- الطاقه في التفاعلات الكيميائية
- سرعة وآلية التفاعلات الكيميائية
- مبادئ الإتزان الكيميائي
- الكيمياء الكهربية
- الكيمياء النووية

6- العربي :
* المادة دي هي اهم مادة في الثانوية السودانية وبتنقسم لقسمين
كتاب قواعد (النحو)

دروس القواعد (النحو) :
- الجمل واشباه الجمل
- أسلوب الشرط
- النسب
- الجامد والمشتق
- الجموع
- الإضافة
- كسر همزة إن وفتحها
- أفعال المدح والذم
- حروف المعاني
- الأخطاء الشائعة
* تقريبا كل درس في صفحة ما عدا النسب هو اللي كبير شوية

كتاب بلاغه وتعبير :
- علم البيان
- علم المعاني
- علم البديع

كتاب الأدب والمطالعة
21 او 23 نص مش فاكر اوي ودروس قصيرة للمطالعة (القراءه) يعتبر ملهاش لازمه و المفروض يعني تقراها مره و انا عمتا مذكرتهاش اصلا

الأدب والمطالعة 40 درجة
القواعد (النحو) 25 درجة
البلاغه 20 درجة
الإنشاء (التعبير) 15 درجة

7- الرياضه
كتابين
الكتاب الاول
1-الاستنتاج الرياضيي , التباديل والتوافيق و نظرية ذات الحدين
2-المصفوفات
3-الكسور الجزئية
4-الاحتملات
5-الاحصاء
الكتاب التاني
1-الدوال الحقيقه والنهايات
2-التفاضل
3-التكامل و تطبيقتها
4-الدائرة
5-مجموعه الاعداد المركبه

8- هندسيه بدل الاحياء
1- مدني
2- رسم هندسي
3- ميكانيكا
4- كهرباء

9-الكمبيوتر بدل الاحياء بردوا
4 دروس 2 منهم حفظ و 1 لغه برمجه و 1 ازاي تحول لي bin hex dec

كده خلصنا تفاصيل او كشور المواد لسه شرح ليها بقي وهي عملا ايه وكده

1 –الانجليزي الصراحة نو كومنت :D يعني شايف انت منهج مصر هو اسهل من مصر بس ما تستهونش بيه لان مهما قلت انت مقفل ممكن متعديش ال 90 هو كده والله بس ذاكره واعمل اللي عليك فيه ما تسبوش قبل الامتحان بيوم زي ما انا عملت بس جبت فيه اعلي درجة عمتا :D
2- الدين مش عايز اقول ما تذكروش خالص وهات اقل درجة عشان يرفع المجموع بس هقول نقطتين اول نقطه ده دينك عشان ربنا يرضي عنك هناك وتجيب كويس و تاني نقطة الديم مش بيزود ولا بينقص المجموع حسبه وهميه انتم بتفتكروها بتزيد او بتقل والكلام ده غلط وناس معدوده هي اللي عرفه الكلام ده…احفظ سوره النور طول السنه مع شويه احاديث كده يعني احاديث كثيره افهم الاحكام مش تحفظها بالسنس كده الديني بتاعك مع الشيخ للي جواك هتنجح فيها وتاني والله الدين مش بيأثر في المجموع ولا بيزود ولا بينقص

3- العربي هاااااا احححح اصعب ماده بالنسبه ليا عشان كنت لغات وتاني اعلي درجة المهم يعني عندك 21 نص ونص يعني شاعر وشاعر يعني قبيله وسن واسم وحيات امه كلها بس مش كل النصوص جايبين تفاصيل الشاعر بس مهم انك تعرف اسمه و ترتب وحدات الكتاب في دماغك و ترتب الشعراء في دماغك يعني مثلا انا كنت بعمل ايه كنت عامل ورقه فيها كل اسامي الدروس و الشعاراء و قبيلتهم و كل يوم اقراها تسهيل عليك في الحفظ وانا مش بعرف احفظ اصلا….عندك 7 حفظ من 21..... 1 رساله او خطبه و 2 حب و 1 تصالح كده ما بين اتنين ودي اسهلهم و2 فخر بي قبيلته و 1 نصها فخر ونصها مدح ….القراءه بقي مفتحتهاش خالص كا مذاكره جامده بس قرتها مره واحده…..النحو سهل جدا او الامتحان بيجي سهل يعني انت يا عارف قواعد يا مش عارف بيختبرك في القواعد يعني اكنك في حصه و المدرس يديك امثله ويقولك حل هو ده اللي بيحصل في الامتحان بيديك جمله مثلا ويقول همزه ان نوعها ايه او ليه بقت كسره او ممكن يديك جمله ويقولك خصصها بالمدح 3 اشكال و ممكن يديك كلمه يقولك اعملها اسم مفعول او فاعل… اللي عايز اقولوه مفيش تعجيز في االعربي في طريقه الاسئله

4- رياضه :D

4- رياضه : الماده دي مطلوبه من ناس كتيير و خايفه منها عشان كده همسك درس درس من الرياضه هقول ايه نظامه و تعمل ايه
اول درس في الكتاب الاول اسمه الاستنتاج الرياضيي , التباديل والتوافيق و نظرية ذات الحدين الجزء الاولاني منه سهل يتفهم هي قواعد و بتبق لاكن بقي الجزء التاني من الدرس مبدا العد ده بقي سيبه فاضي ما توجعش دماغك :D بكلم بجد سؤال معقد عليه درجة او اتنين هضيع فيه 10 دقايق تفكير تحله ازاي وهتحله غلط ... درس المصفوفات لو جبت حد في اولي اعدادي يحلهالك سهله كده بتضرب و تنقص و تزود بس كده … درس الاحصاء قواعد و بتمشي عليها بيديك حاجات كده في جدول و تشوف ايه المطلوب و من الجدول بتحسب اهم حاجه بتبقي عارف القواعد .. درس الاحتملات ممن نقول نصه نظري بتعرف اساسيات الاحتملات يعني تعريفات ايه الطرق للحساب ايه المميزات ايه العيوب …الكسور الجزئيه درس ملوش لازمه سهل جدا خته انت في تانيه ثانوي اة اولي ازاي تقسم :D …الكتاب التتاني بقي درس الدوال اول حاجو وبعدين هتلاقي درس بيش التاني يعني بيكروا بعض كده يعني النكامل مترتب علي التفاضل و التفاضل مترتب علي النهايات و النهايات مترتبع علي الدوال لو نقطه وقعت منك كله هيوقع ….. التفاضل و التكامل كله عرفها اهم حاجة قواعد وتفتكر كل القواعد وتمشي عليه ….درس الدايره قواعد بردوا و يديلك حاجات كده و بتطبق مش اكتر من كده….كل الكلام اللي فوق ده بلح من غير حل كتييير و تطبيق وانك نعرف شكل الاسئله وميزه امتحان الرياضه انه مترتب يعني كل درس تحتيه اسئلته مش متلخبط ودي حاجة حلوه …عشان تعدي رياضه احفظ التعريفات و ذاكر الدروس الصغيره اللي مش مترتبه علي بعض وهتجيب حلو صاحبي ميعرفش اي حاجة عن رياضه وقبل الامتحان عمل كده جاب 69 فيها

5- الكيمياء…تحسهاا طويله وصعبه و9 دروس وكده لاكن امتحانتها سهله بمعني مفيش لف ولا دوران انت يا عارف يا مش عارف الاجابه صريحة عندك 9 دروس منهم 5 دروس صغيرين و 4 دروس تقال هما الكيمياء العضوية و التحليل الكيميائي الكيفي والتحليل الكيميائي الحجمي و الكيمياء الكهربية المنهج تقيل فعلا و محتج مذاكره جامده واهتمام بس امتحانتهم سهله امتحان الكيميا مش غداره سهله و مكرره و بتتحل بسهوله اهم حاجو تبقي حالل كتير وهنيجي لنقطة تحل منين عشان تتعود علي طريقه حلهم

6-الفيزيا غداره منهج 4 دروس اول درسين تهتم بيهم اوي اكبر اتنين واخر درسين صغيرين شويه الفيزيا انا شايف منهجها سهل جدا بس خاف اكتر من امتحانتها اتقالتلي من واحد رقم 23 علي السودان وطالع من الاوائل قالي خاف من الفيزيا مش من العربي وقالي هتجيب في العربي اكتر من الفيزيا وفعلا الفيزيا اقل درجة عندي بسبب الامتحانات بتبقي فيها فكره ومش متكرره اوي بس بردوا اهم حاجة االحل الحل و العامل الاساسي عشان تنجح انت مش المدرس ولا الكتب انت انت

7-احياء معرفش عنها حاجة كنت هندسيه

8- هندسيه4 فروع زي ما قلت كل فرع 25 درجة …دماغك هندسي و ميولك هندسي و بتحب الحسابات و مش بتعرف تحفظ و بتحب المسائل خشها غير كده بلاش

9-كمبيوتر ¾ من المنهج حفظ دخلتها شهر محبتهاش الصراحه سبتها و حولت هندسي وكانت احسن الحمدلله

الهندسيه و الكمبيوتر هيبقي ليك مجال هندسي بس
احياء ليك التنين الطبي و الهندسي
لو هتعمل وي كل الناس و تقول هخش احياء عشان يبقي ليا المجالين براحتك بس لو انت عايز هندسه فعلا و حلمك هندسه متخشش احياء لو دخلت هندسيه او كمبيوتر هيبقي ليك وضع تاني في التنسيق و اولويه في التنسيق في الكليات الهندسيه:D

تذاكر منين و تحل منين ؟؟
كتاب المدرسه يبقي صديقك الانتيم ده اهم كتاب مرجعك في اي حاجة يعني حتي لو جبت كتاب خارجي هو الاهم يعني اهم من المدرس اللي بيشرحلك
1- كتاب المدرسه
2- كتاب الرائد خارجي… للشرح في كل المواد
3- كتاب المريح للحل….احسن مكان تحل منه
لو فيه كتب تانيه ناس جربتها تقول في كومنت

يا ريت الناس كلها اللي هتسافر اول لما تنزل تسال علي دليل امتحانات الشهاده السودانيه 2017 في المكاتب عشان بيبقي فيه حظف دروس وتجيبه

ده لينك كتب معظم الكتب المدرسه
ادب [ندعوك للتسجيل في المنتدى أو التعريف بنفسك لمعاينة هذا الرابط]
رياضه 1 [ندعوك للتسجيل في المنتدى أو التعريف بنفسك لمعاينة هذا الرابط]
رياضه 2 [ندعوك للتسجيل في المنتدى أو التعريف بنفسك لمعاينة هذا الرابط]
احياء [ندعوك للتسجيل في المنتدى أو التعريف بنفسك لمعاينة هذا الرابط]
كيمياه [ندعوك للتسجيل في المنتدى أو التعريف بنفسك لمعاينة هذا الرابط]
فيزياء [ندعوك للتسجيل في المنتدى أو التعريف بنفسك لمعاينة هذا الرابط]
هندسيه [ندعوك للتسجيل في المنتدى أو التعريف بنفسك لمعاينة هذا الرابط]

موقع الرواد التميز :D فيه كل حاجه بردوا امتحانات من 2009 لي 2015 خدلك نظره في سنع من السنين وشوف شكل الاسئله وشكل الامتحان وعلي فكره بنحل في نفس الورقه

[ندعوك للتسجيل في المنتدى أو التعريف بنفسك لمعاينة هذا الرابط]

و هنا بردوا الكتب
[ندعوك للتسجيل في المنتدى أو التعريف بنفسك لمعاينة هذا الرابط]

وهنا مذكرات و اوراق عمل يعني شرح وحل بطريقه احسن شوية
[ندعوك للتسجيل في المنتدى أو التعريف بنفسك لمعاينة هذا الرابط]

ارقام مدرسين ناس جابت معاهم 90 وناس جابت 60 و ناس سقط يبقي العيب مش في المدرس العيب هيبقي فيك لو مجبتش حلو لازم تعمل اللي عليك

عباس عربي 0918245315
علي البشاري احياء 0915242387
موسي بلال فيزيا 0912899215
احمد سلفر كيميا 0123861980
عبد الحميد الكاشف انجلش 0917757550
عبود دين 0912691519
نزار رياضه 0123072892
احمد البكري دين 0121856351
تيتو انجليزي 0965007154
وفي ماهر فيزيا
سيف الله فيزياء
ادم فيزياء
قمر احياء
عبد العال احياء

السكن
استاذ اسعد 0912186089
واحد هيعرفك سمسار 0969805795
الارقام كلها سودانيه عايز تتصل من مصر شيل اول 0 وزود +249

اسئله عامه
سفر علي الامتحانات ينفع ؟؟
-ااه ينفع بس هترفع قضيه و تتاخر علي التنسيق سنه

لازم 6 شهرو للطالب عشان يخش طبيعي ؟؟
-ااه لازم

لازم 6 شهور لي ولي الامر ؟؟
لا مش لازم بس اي مده وكل سنه بيعدوها اي مده

ناس بتقول لازم 2 ثانوي من السودان او 3 ثانوي مصري ؟؟
الله اعلم مفيش حاجة تثبت ولا تنفي عايز تتوكل علي الله و تسافر و اللي يحصل يحصل براحتك مش عايز بردوا براحتك ولعلمك كل سنه بيحصل الكلام ده و بتطلع اشاعات
السؤال تاني نفس اللي فوق هجوبه تاني بطريقه تانيه
دلوقتي فيه لائحه بتنزل في شهر 10 متطلبات اللي عايزنها عشان تخش الامتحان انا لما روحت السودان مكنتش اعرف اي حاجة روحت المدرسه مدير المدرسه شاف ورقي اللي عملته فوق قالي تمام و قبلني بس كده راي انا بقي في الاشاعاه دي او اين كانت اسمها ايه الخبر ده دلوقتي السودان مع احترامي ليهم محتاجين دخل تاني او عمله صعبه احنا بنتدفع بالدولار يعني القرار لو اتطبق هيبقي خساره ليهم عشان كده حاسسها بردوا لعبه نصب من شوبه ناس عشان يضربوا شهادات تانيه سوداني و سهل تضرب بتاريخ قديم من اي مدرسه وبردوا ممكن اقولك سافر بس متحلمنيش مسوؤليه ولا تدعي عليا عايز تسافر سافر بس اتحمل مخاطره لي اي قرار جديد ممكن يطلع و علي فكره دفعتي طلع قرار ممنوع المتنسقين او التنسيق لمره واحده وده خلي ناس رجعت من السودان بعد ما سفرت ...اهم حاجة قرر واتوكل علي الله وسيبك من اي حاجة تحصل

مفيش اله حاسبه ؟؟
-اه والله مفيش بس ما تقلق مع اول شهر في التاني هتلاقي نفسك لبلب في الحسابات ان شاء الله

ازاي بنحسب؟؟
-احفظ جدول الضرب :D

الرياضه الكيميا اي ماده عمتا هل هي صعبه ؟؟
-مفيش حاجة صعبه خدها قاعده…. فتح مخك بس وتوكل علي الله و مفيش صعب عللي اللي بيعمل اللي عليه و بيذاكر و يحل

الافاده بتتجاب ازاي؟؟؟
-شوف في الجروب كذا حد بيساعد دور انت بس وحد هيجبهالم من السودان وانك مسجل في مدرسه وشوف في الكومنتس

التكلفه الاجماليه كام وده سؤال مش ذكي :D ؟؟
-ممكن توصل لي 80 و ممكن تصرف 30 و ممكن اقل انت و ظروفك وهيضحك عليك ازاي بقي و بي انهي طريقه سواء سنتر سكن مكتب مدرس المهم لو اضحك عليك هتضرف غير كده هيبقي المصاريف وسط

لو روحت علي الامتحانات هيحصل معايا ايه ؟؟؟
-هتستبعد من التنسيق بس هتقدم عادي و هيتعملك محضر و ترفع قضيه و تكسبها بعد فتره ممكن من 4 الي 8 شهور تاخير سنع يعني ,,,يعني لو امتحنت في شهر 3 لسنه 2017 مش هتخش تنسيق في شهر 9 لسنه 2017 لا هتخش 2018 شوف قراراك ايه بقي و مقدرتك ايه و خد بالك تكاليف القضيه زيها زي تكاليف السفر

ازاي تحسب مجموعك بعد الدين ؟؟
-فيه طرقتين يا تجمع كل المواد ال 6 اللي هم فيزيا كيميا احياء رياضه عربي انجليزي هيبقي مجموع من 600 وتقسم علي 6
يا مجموعك اللي من 700 تنقص منه درجه الدين وتقسم علي 6

ازاي احسب درجتي في التنسيق من 410؟؟
-خد نسبتك ال 6 مواد مثلا 75 اضربها في 4.1 هيبقي 307.5/410

ينفع اسافر وانا منسق (منسق يعني دخل تنسيق قبل كده)؟؟
- لا منصحكش الا لو عايز ترفع قضايا و مش عارف هتكسبها ولا لا ولحد دلوقتي مفيش اي قضيه كسبت و متأجله لي 18/10 وبقالها سنه مكسبتش

السودان فرصه للي عايز يخش قمه بس اي حد فاكر انه هيعرف يجيب 85 بسهوله احب اقولك "البس" :D السودان مش زي ما انت فاكر دي ثانويه عامه بلد ولازم تعمل اللي عليك هناك بدليل كل اللي راحوا السنادي السودان او بلاش كلهم 35% منهم سقطوا و اللي نجح منجحش نجاح باهر يعني حوالي 70% من الدفعه اللي نجحت جايبين اقل من 70 يعني انهم يلحقوا حاجة قمه صعبه شويه يعني لو هتخرج من مصر تقول هجيب 70 او هجيب 75 واخش هندسه او هجيب 85 واخش طب وفكرها سهله اقولك تاني البس :D روح اكنك في ثانوي عام في مصر واعرف انك زائر في البلد دي او اجنبي عليهم احترم قوانينهم واحترمهم عشان سنتك تبقي حلوه عليك وعلي الدفعه كلها ميحصلش اللي حصل فينا في تصحيح

يا ريت لو اي حد عنده اي معلومه زياده ما يبخلش علي حد و تبقي علي العام بلاش شغل تعالي خاص و كده :D
كلامي ممكن يبقي فيه نقط غلط مش قران هو لو اي حد شايف ان فيه حاجة غلط ممكن نتفاهم في الكومنتس :D
*البوست ده UPDATEDيعني كل شويه هتلاقي معلومات جديده ارقام مدرسين بنزيد كده يعني *
سلام