إمتي تعود من تاني
كان يجري إيه لو صفا
ويقول لي ليه جفا
كان بالحنان يرعاني
إمتي يعود من تاني
***
دا كان هنايا معاه
معرفش ايه نسَّاه
مين يا تري أسَّاه
يشقيني ظلم أساه
يا قلبي آه وآه
كان بالحنان يرعاني
إمتي يعود من تاني
***
وان فُتْ يوم ع الباب
هتبص لك الأعتاب
نظرة أمل وعتاب
بتقول هنا أحباب
ومحبة وقلب وروح
قلبي العليل مجروح
فاته حبيب الروح
أمانه يا محبوب
لتزور جريح الهوي
ترد فيه الروح
***
دا كان هنايا معاه
معرفش ايه نسَّاه
مين يا تري أسَّاه
يسقيني ظلم أساه
يا قلبي آه وآه
كان بالحنان يرعاني
إمتي يعود من تاني؟
***
وان فت ع الشباك
تلقاني بستناك
تايهة ف بحر هواك
مين يا تري ويَّاك؟
والعطر مني يفوح
أصله أريج الروح
بيعيدلي همس البوح
أمانة يامحبوب
لتزور جريح الهوي
مرَّة وبعدين رُوح
***
دا كان هنايا معاه
معرفشي مين أسَّاه
مين يا تري ويَّاه؟
يكفيني ظلم أساه
يا قلبي آه وآه
كان بالحنان يرعاني
إمتي تعود من تاني؟
سامح لطف الله
موضوع: إمتي تعود من تاني