قصيده للشاعر عبدالحميد بدوى

الجريمة اللى عملها مرسى

أنه محسوب
على جماعة الاخوان
ولو حمدين
اللى أقال النائب العام
كان أتعملوا تمثال
فى قلب الميدان
وكتبوا فيه أغانى
ومدحوا فى حكمته
...
وقوته وثورته أيام و ليالى

لان النائب العام طول عمره
راجل من رجال النظام
معايا ولا أنا غلطان
وعزله كان مطلب ثورى من زمان
وان كان عليا أنا شايف
أن مكانه الطبيعى ورا القضبان
لانه كان أمين اسرار مبارك وجمال
وعمرنا ما سمعنا حسه
فى زمن الظلم و الطغيان
وببساطة كدا هو لو انسان محترم
كان أزاى مبارك عينه نائب عام

أه منك يا بلد رخصتى الغالى
وغليتى الرخيص
وتوفيق عكاشة رجع من تانى
والزند بقى نجمه بيلالى
مع اننا كلنا
عارفين أنه
خسيس أبن خسيس
أنا مع الرئيس انا مع الرئيس
ومع قرارات الرئيس
وأنا لا سلفى ولا أخوان
بس كل الحكاية
ان كلمة الحق لازم تنقال
وبقول للى خايف
الخوف دا كان موضة وانتهت من زمان
عمر مصر ما هاتجيب فرعون تانى
وكل الكلام ده حجج والسلام
وكلنا عارفين ان ده كلام فى كلام
وأنا مش خايف على مصر معاه
وشايف ان هو طوق النجاه
مش علشان حاجة
ولكنه صادق النية
وكفاية انه رجل يخشى الله

الشاعر
عبد الحميد بدوى