ماذا تفعل لو كنت رئيسا للجمهوريه؟

تخيل نفسك رئيس بلدك

تحكم اهلك و بنى جنسك

هتعمل ايه لناسك و شعبك

هتعمل ايه لدينك و عروبتك

تخيل انك رئيس اى دولة عربية

و لتكن جمهورية مصر العربية

او اى دولة عربية او اسلامية

المهم بقيت فى الاسرة الدولية

هتقدر تعمل ايه يا غلبان

هتقدر تشبع كل جعان

هتقدر تروى العطشان

هتقدر تكسى العريان

هتقدر تعالج التعبان

هتحل مشكلة الاسكان

تخيل نفسك رئيس او سلطان

هتقدر تعمل ايه للبلد

و للمشاكل اللى ملهاش عدد

هتقدر توظف كل عاطل

و تمنع كلام فى الباطل

هتقدر تحارب و تقاتل

و تبطل يا سيدى تماطل

هتقدر تحارب الفساد

و تخلينا لله عباد

و توفر لنا الزاد

هتقدر تعمل ايه

هتقدر توفر المؤنة

و ترفض اى معونة

اللى بها ذلونا

و احتقرونا و اهانونا

و بقوا بها بيحكمونا

ما ترد عليا يا سيدى

لو بقيت رئيس بلادى

هتحمينى من غير ما انادى

هتحبنى وتخطب ودادى

هتقدر تحقق لشعبك الخير

و تحاكم الوزير قبل الغفير

و لمصلحة شعبك تطير

و تعين اللى يعرف يدير

تخيل نفسك رئيس

هتقدر تعمل ايه تانى

استنى بس ثوانى

هتقدر تغير التعليم

و تخليه نظام سليم

و تمشيه فى طريق مستقيم

بجد و كفاح و تنظيم

هتقدر تخلى الدستور ثابت

اللى موادة مننا تابت

و مش عارفين له ثوابت

كل يوم يتغير والشعب ساكت

يا اخى الدستور لو من الرجالة

كان على طول قدّم الاستقالة

و قال الشغل معاكم محالة

انا افتح احسن محل بقالة

هتقدر تخلى فيه حرية

و تقوى الجيش و الحربية

وتصاحب الدول العربية

و تسيبك من الصداقة الاجنبية

هتقدر تخلى للمصرى قيمة فى كل مكان

فى امريكا واوروبا والصين واليابان

هتخليه يعيش زى اى انسان

لا يتذل و لايتسجن و لا يتهان

طيب لك فى المشاكل الدولية

بلاش ديه... هتحل المشاكل العربية

ديه دول من زمان مستنية

واحد يشيل عنها القضية

ما تقولش عايزين صلاح الدين

هنجيبه الوقت منين ؟

و بعدين المسلمين مش قليلين

احنا كتير كتير بالملايين

بقى مفيش واحد من الف مليون ..!؟

له عقل راجح و موزون

اكيد فيه انا مش مجنون

هو مفيش غير حكامنا فى الكون

طيب لو بقيت رئيس دولة تانية

هتعمل ايه لو بقيت رئيس لبنان

او العراق او فلسطين او السودان

هتحل مشكلة سوريا ولبنان

او مشكلة دارفور فى السودان

هتخلص العراق من الامريكان

هتعمل ايه لو بقيت رئيس

يا صاحبى متزعلش منى

انا بفرض بس يعنى

لو بقيت رئيس فى زمنى

هتعمل ايه لوطنك و وطنى

سامحنى ولك سلامى

بس لسه مخلصش كلامى

انا كتيير اوى احلامى

بس نفسى تتحقق فى ايامى

نرجع و نقول تانى الجملة

عاشت مصر حرة مستقلة




منقول




لكل من قرء المقالة ان يقول رأيه

لو كان انت رئيس جمهوريتنا

فماذا ستفعل بنا





















التوقيع:


[ندعوك للتسجيل في المنتدى أو التعريف بنفسك لمعاينة هذه الصورة]

الحمد لله

لم ولن أتمنى مثل هذه المحنه !!

اللهم ولى علينا خيارنا .. ولا تسلم أمرنا لأشرارنا .. آمين

[ندعوك للتسجيل في المنتدى أو التعريف بنفسك لمعاينة هذه الصورة]