أحلام ممنوعة

بطل تحلم تاكل لحمــــــه = دا حلم بجد حقيقى كبـير
أكل اللحمه مش من صالحك = دود ومرض وكلاب وحمير
ممنوع تحلم حتى ف نومك = ممنوع تحلم وأنت فقـير
لمَّا هتاكل لحمه هتصرف = عايز تحبس شاى وعصير
عايز تغسل إيد بصابونـة = وتطلب بكرا كباب وفطير
لمَا هتاكل لحمه هتشـــبع = يكبر ريشك عايز تطير
لما هتشبع رايح تفكـــــر = والتفكير تأثيره خطـــير
رايح تبقى يا سيدى مثقف = صوتك يعلى ف خط مسير
رايح تجيب صداع تزعجنا = تهلوس تحكى كمان أساطير
لمَّا تجوع هتنظم أســــره = مهدود حيل نعسان ف سرير
خليك تبقى جعان هنقودك = دا الجوع فن وليه تأثيـــر
تفضل ليل ونهار مشغول = وتحس الحلم معاك تبذيـر
بطل تحلم تاكل لحمــــه = بطل تحلم وأنت فقــــــير



راضى الطهطاوى



[ندعوك للتسجيل في المنتدى أو التعريف بنفسك لمعاينة هذه الصورة]

حتى الاحلام يتحرموا منها..
ده اللي مش معقول

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :

حتى الاحلام يتحرموا منها..
ده اللي مش معقول

كتيـــر الأحلام تكون باهظه .. وموجعه ! ههههههههههه

يسلم مرورك وردك ماما هنــــا

[ندعوك للتسجيل في المنتدى أو التعريف بنفسك لمعاينة هذه الصورة]