أنا خايفة من ربنا..

[ندعوك للتسجيل في المنتدى أو التعريف بنفسك لمعاينة هذه الصورة]

أنا خايفة من ربنا.. أعمل إيه علشان أطمن؟


أنا فتاة من أسرة متوسطة، ووالدي متوفى، أنا مخنوقة من حياتي، عارفة إن
أنا في نعم كتيرة أوي بس مخنوقة، كان نفسي أعمل حاجة كبيرة عشان لما أموت
أكون عملت حاجة كويسة للإسلام وماكنش من الناس اللي ماتوا وعاشوا وهم
ماعملوش حاجة، بس أنا شايفة إني فاشلة في كل حاجة.



فاشلة إني دخلت كلية ماعلمتنيش حاجة، ولا دينيا كويسة، رغم إن فيه ناس
شايفين إني كويسة، بس أنا من جوايا باحس كل ما أعمل حاجة كويسة إن ده رياء،
وباخاف أكتر إن ربنا يعاقبني، نفسي أعمل حاجات خير بس أنا لما باشوف حد
تعبان أو حصلت له حاجة مش كويسة وباقف جنبه، بعدها بتعب نفسيا جدا، ممكن
عشان باخاف إن ربنا يسألني على النعمة اللي معايا وخدها من الشخص الفلاني،
عملت بيها إيه تفيد الإسلام.



أنا باحس إن ربنا مش راضي عني؛ كتير بادعي في رمضان ومش بتتحقق حاجة، وباحس إن في قلبي أمراض كتيرة زي الرياء والحسد.



أنا تعبت وخايفة من ربنا، أنا باحاول أتقرب منه عشان مايعذبنيش، بس أنا
تعبانة وخايفة من ربنا أوي، ومش عايزة أموت وأنا ماعملتش حاجة للإسلام..
أنا باشيل هموم كل الناس، حتى فلسطين وسوريا، ونفسي أشتغل بس أنا وحشة في
اللغات والشغل عايز لغات، وحاولت كتير بس الذكاء اللغوي عندي وحش، أنا لسه
متخرجة من الكلية ومش مخطوبة.



saso