هنا جلال
مدير إدارى المنتدى
علم بلدك : 
شخصية مفضله : 
دعاء : 
المزاج : 
الموقع : منتديات هنا جلال التعليمية
 |  موضوع: خلع فى التاسع..كوميديا ساخرة الجمعة 29 يونيو 2012, 3:28 pm | |
| [ندعوك للتسجيل في المنتدى أو التعريف بنفسك لمعاينة هذه الصورة] خلع فى التاسع..كوميديا ساخرة.الخلع عليك هو المكتوب..يا
ولدى تأليف / رضا الهجرسى ___________جلس قاضينا على مكتبة ويدخل علية الكاتب ويلقى بتحية الصباح ويضع ملف مفتوح أمامة.. يدخل خلفة عم خليل فراش المكتب حاملا
صينية عليها فنجان قهوة وكوب من الماء ..يضعهم أمامة ..خليل : صباح الخير يا فندم ..قهوة سيادتك المظبوطة ..القاضى:تسلم أيدك ..يا عم خليل ..الكاتب: دى سيادتك ..قضية خلع النهاردة ..ودى حسب طلب السيدةالخالعة ..أنها تكون جلسة سرية ..القاضى: أأة..أنا بخاف قوى من الجلسات السرية ..بسمع فيها كلام
وبلاوى ..تغم النفس ..كل واحد منهم يفضل يتهم التانى بحاجات تأرف ..ومتعرفش مين فيهم ..الصادق ومينالكداب ..جاهزين برة ..الكاتب: جاهزين سيادتك ..على ما تخلص قهوة سعادتك ..القاضى : خمس دقايق ..ودخلهم ..يفتح الباب فجأة ..وتدخل أمرأة بطنها منتفخة أمامها بشكل كبير.وهى فتاة فى العشرين من عمرها.متوسطة الجمال..تتحرك بصعوبة وتتأوة فى ألم وهى ثريا.. طالبة الخلع..تسندها من يدها اليمنى أمرأة تخطت الخمسين ..ذات صحةمفرطة ..وهى أم ثريا ..ومن يدها اليسرى فتاة ..فى الخامسة عشر ..وهى كوثر أختثريا ..والثلاثة ..يرتدون ملابس حمراء ..بشكل فاقع ..وتوجه الموكب الأحمر ..الى الفوتية ..وتمددت علية ثريا وهى ما زالت تتأوة ..وقاضينا ينظر اليهم بذهول تام ..دون أن يحركساكنا ..حاول الكاتب أخراجهم ..ولكن أوقفة قاضينا ..بأشارة..من يدة ..وبعد أن تمددت ثريا على الفوتية ..توجهت أم ثريا الىقاضينا ..وجلست أمامة على مكتبة وهى تلهث ..وبعد أن التقطتأنفاسها ..تنظر الى قاضينا وهو ما زال فاغرا فمة فى ذهول..أم ثريا: مش برضة يا خويا ..القاضى اللى بيخلع ..القاضى: ههه..أة ..أة ..أنا يا خويا ..القاضى اللى ..بيخلع ..أم ثريا: طب أخلعهلنا يسترك ..قبل القرن ما يطش ..القاضى : قرن مين اللى يطش ..أم ثريا : سلامة الشوف يا خويا..قرن بنتى...ثريا ..أنت مش شايفها قدامك بتنازع ..والقرن خلاص حيطش..القاضى: أيوة يا ست أم ثريا..بس هنا محكمة ..مش مستشفى ولادة.أم ثريا: أيوة يا خويا ..ما أحنا عارفين ..وعشان كدة ..جينالك ..تخلعة ..وبعدين تولد ..يسترك بسرعة ..عشان نوديها ....المستشفى قبل ..القاضى : عارف ..قبل القرن ما يطش ..أيوة يا ست أم ثريا بس ..كان المفروض ..تجبيها بعد القرن ما يطش وتولد ...وتسترد عافيتها ..وبعدين تيجى ..تخلعة ..أم ثريا : لا ..أبوس أيدك ..لازم يتخلع ..قبل ما تولد ..والواد
ييجىالقاضى: لا بأة ..لازم تفهمينى الحكاية ..وبسرعة قبل القرن ما
يطشفى مكتبى ..وتبقى حوسة ..ما يعلم بيها الا ربنا ..أم ثريا : أأقولك يا خويا ..بأة جوزى اللة يرحمة ويبشبش الطوبة
اللى تحت دماغة ..تصرخ ثريا القاضى : اللة يرحمة يا ستى ..أختصرى اللة يخليكى ..قبل ما يطشأم ثريا: متخافش كدة يا خويا ..ويبقى قلبك رهيف ..دة كل نسوان
العيلة والدة على أيدى..المهم جوزى ساب لنا ..أنا والبنتين دول بيت من دورين
..والبدروم اللى تحت بنأجرة ..دخل علينا السمسارومعاة المنيل القاضى :أكيد..المنيل دة
.يبقى جوزها..المطلوب خلعة..أم ثريا: اللة ينور عليك..أن جيت للحق..الواد دخل دخلة تشرح
القلبالحزين..لابس أحمر فى أحمر..وجزمتة حمرة ..وشرابة أحمرو شعرة صبغة أحمر ..حتى فانلتة اللى تحت قميصة حمرا..وماسك علم أحمر فى أيدة ..القاضى: علم أحمر ..دة علم روسيا دة والا أية ..أم ثريا : لايا خويا ..دة علم الأهلى ..سلامة عقلك ..القاضى: عقلى..سيبك من عقلى دلوقتى..اللى حيطش هو كمان ..كملى.أم ثريا: ما حاكم ..جوزى ..اللة يرحمة كان ..كبير مشجعى الأهلى
فىالمنطقة كلها ..ومربى البنتين ..على حب اللون الأحمر ..القاضى:أةةةة..عشان كدة لابسين ..أحمر فى أحمر..كملى..أم ثريا: اللة ينور عليك ..قبل ما يموت جابنى أنا والبنين
وحلفنا ...ع المصحف ..ما دخل زملكاوى البيت ..ولا جوز بناتى ..الا بعد ما أتأكد أنة أهلاوى متأصل أبا عن جد..القاضى: وأية اللى حصل يا ستى ..الراجل جاى لكم وهو..لابس أحمر فى أحمر ..وماسك علم أحمر ..فين المشكلة..أم ثريا : أسكت..مش أنكشف وطلع ..زملكاوى مأصل ..القاضى: وعرفتوا ..أزاى ..أم ثريا: ما الأول كان مفهمنا ..أنة يتيم ومقطوع من شجرة
..قلنابدال أهلاوى .يبقى أحنا عيلتة وناسة ..من عشر تيام جتتسأل علية ست كبيرة ..وأتضح أنها أمة ..وكان مخبى عليهاأنة أتجوز ..القاضى: ولية خبى على أمة ..أم ثريا: ما هو أنا قعدت.أدحلبها فى الكلام لحد ما جبت قرارة
وعرفناأنة كداب.وضحك علينا.وأنة زملكاوي متأصل أبا عن جد..وأنأبوة كان كبير الزملكاوية فى الدقهلية كلها .وأنة بأة الكبير
بعدموت أبوة ..شفت المصيبة ..القاضى: دى مصيبة فعلا ..طب يا ستى ما تدولة ..فرصة ..جايز
يغيريغير مع الزمن ..ويبقى ..أهلاوى ..العشرة بتغير برضة..أم ثريا : ما هو ولاد الحلال.أدخلوا.وقالوا نفس الكلام.ورضينا
بكلامهمأنا والبت ...القاضى : طب الحمدللة ..لية بأة ..غيرتوا رأيكوا .وعايزين
تخلعوة ..ومش تخلعوة وبس ..دة قبل القرن ما يطش كمان..أم ثريا: ما هو دة يثبت لك..أن الزملكاوية مالهمش كلمة..يعنى
شوف أحنا يا أهلاوية ..فوتنالة ..كدبة وغشة وقبلنا نعاشرة وهوزملكاوى.. وحطينا
على قلبنا حجر صوان ..أنا وبنتى ..شفت أصالة الأهلاوية ..وقلبهم الكبير..يرد عليها فى أستهزاءالقاضى: لا طبعا مشفتش.. يا أهلاوية ..يا أصيلة ..وبعدين..خلصى..أم ثريا: بعد التضحية الكبيرة دى ..يقوم الزملكاوى الخسيس ..يصمميسمى أبنة ...شيكابالا..شفت قلة أصل أكتر من كدة ..وهنا تصرخ ثريا صراخا عاليا ..وتصرخ أختها ..الأخت: ألحقينى يامة ..القرن طش ..تجرى الأم ويجرى قاضينا نحو ثريا ..فتمسكة من شعرة وهىفى صراخ متواصل ..ويدخل عم خليل وينقذ قاضينا من بين يدى ثريا الممسكة بة بشدة ..وتصرخ أم ثريا فى وجة قاضينا أم ثريا : ألحقونا ..ببطانية
ولا ملاية ..نستر بيها البت وهى بتولد..ينظر قاضينا الى خليل وهو يلهث بشدة ..القاضى : ألحقنا يا خليل..ببطانية ولا ملاية نستر بيها البت ..يجرى خليل مغادرا ..وتصرخ أم ثريا فى وجهه .أم ثريا: حد يسخن لنا مية ..عايزين حلة مية سخنة بسرعة اللة
يستركيجرى قاضينا ويفتح الباب ويصرخ ..القاضى: يا عم خليل ..حلة مية سخنة معاك ..اللة يسترك ..يدخل خليل حاملا ملاية فى يدة ويغطى بها ثريا ويخرج مسرعاويجلس القاضى مذهولا على مكتبة وهو ما زال يلهث ويعودخليل وهو يحمل حلة مياة ساخنة.تصرخ فيهم أم ثريا فى غضبأم ثريا: أنتوا ..قاعدين لية ..أتفضلوا على برة ..يجرى قاضينا وخليل نحو الباب ويغلقة خليل خلفهم.. وصراخثريا لا ينقطع ..وقاضينا يسير أمام الباب يمينا ويسارا. فى
توتروأصطدم بشاب يسير هو الأخر أمام الباب ذهابا وأيابا.فى توتروالشاب تخطى العشرين من عمرة.. ملابسة كلها بيضاء وبخطينوهو فاروق ..زوج ثريا ..فصرخ فية قاضينا .. القاضى: أهمد يا أبنى ..خيلتنى ..أنت أية اللى موقفك هنا ..ورايح
جى ..رايح جى .. فاروق: أنا جوزها حضرتك ..جوز ثريا ..وأبو شيكابالا ..يضحك قاضينا وهو يضرب كفا بكفالقاضى: الزملكاوى ..المخلوع ..الكداب الغشاش ..فاروق: هما فهموا سيادتك أية ..أكيد كدبوا على سيادتك ..القاضى: اللة ..مش يا أبنى أنت ضحكت عليهم وفهمتهم ..أنك
أهلاوىعشان تتجوز البت ..فاروق: جواز أية سيادتك ..اللى يخلينى أغير ذمتى ..وأتغصب علىنفسى وأقول أنى أهلاوى ..دة لو كانت ملكة جمال العالم ..متقدرش تهز أنتمائى للزمالك ..ابدا ..ابدا..القاضى: بعدين بأةةةةةة...أنتوا حتخربطولى دماغى لية ...فاروق: أسمعنى حضرتك الأول ..وبعدين أحكم ..وأنا راضى بحكمكأنا كنت موظف فى مدرسة فى أجا ..جنب بلدنا ..جالتى ترقيةبنقل ..للقاهرة ..وأنا معرفش حد فى مصر ..رحت لسمسار..قريب م المدرسة ..يشوفلى .سكن رخيص ..على قد المرتبقالى مفيش سكن رخيص ويناسبك غير عند أم ثريا ..وهواللى نصحنى أنكر زملكويتى ..وألبس أحمر فى أحمر ..ونفذت نصيحتة وسكنت ..ومتعرفش حضرتك العذاب .. والكوابيس اللى شفتها.. عشان قلت أنى أهلاوى .. فى أستهزاء القاضى: عذاب ..وكوابيس..فاروق: أنت فاكرأن زملكاوى أصيل ذى ..سهل علية أنة يقول أنة ..أهلاوى ..دة أمى وأهلى كلهم قاطعونى ..لما عرفوا خيانتىللون الأبيض ..وأبويا وجدى ..كانوا بيجولى فى منامى ..ويتفوا على وشى ..مش هما بس ..القاضى: فى حد تانى كان بيتف على وشك ..وهو يبكى فاروق: شيكابالا ..حضرتك ..شيكابالا ..كانت تفتة تقيلة وتخينةأنا كنت ..أقوم م النوم ..وشى ملزق من كتر التف..القاضى: أفهم من كدة أنك كدبت عشان تسكن ..مش عشان تتجوزفاروق: أتجوز أية حضرتك ..هو أنا حيلتى حاجة ..هى أم ثريا ..اللى فضلت ترسم علية ..وتبعت لى أكل ..وهدومى .تتغسل وتكوى ..وفضلت تقولى أنت رجلنا وأخطب لبنتكوما تخطبش لأبنك ..ومش حتغرم حاجة ..الشقة جاهزةأن جيت للحق حضرتك أنا حسبتها ..عروسة وشقة ..فىالزمن الأغبر دة ..فرصة متتعوضش ..رحت متجوزهاوبعدين حصل اللى حصل وأمى عرفت عنوانى وجتالبيت..وخرجت اللى فى عبها كلة..ورجعت البلد غضبانةعلية ..وأهلى قطعونى ..المهم ..قلت أصلح الأمور هنا معحماتى ومراتى الأول ..وبعدين أبأة ..أروح لأمى وناسى أصالحهم ..القاضى: طب لية عامل مشكلة ..ومصمم .. تسمى الواد.. شيكابالا.فاروق: عشان حماتى عايزة تسمية ..أبو تريكة ..وأنا الموت عندىأهون ولا أبنى يبقى أسمة ..أبو تريكة ..القاضى: يعنى أنت رافض يكون أسم أبنك أبو تريكة ..وحماتك ..رافضة ..يكون أسم حفيدها ..شيكابالا .فاروق: تمام حضرتك كدة.القاضى:.وأنا على فكرة حعتزل القضاء ..قريب قبل ما تجيلى نقطة..يسمعوا صوت بكاء طفل ..وزغرودة مجلجلة ..من أم ثريا ..وهى تفتح الباب صارخة..أم ثريا : وشك حلو يا قاضى ..توم يا قاضى توم ..ولدين ذى البدر..القاضى: الحمد للة ..ربنا حلها لكوا من عندة ..واحد تسموة ..أبو تريكة ..والتانى شيكابالا ..وأنا حروح ..قبل ما ..أتشل ..( النهاية
) [ندعوك للتسجيل في المنتدى أو التعريف بنفسك لمعاينة هذه الصورة]  منتدى تعليمي لكل المراحل الدراسية من الكي جي إلى الثانوية العامة
ماما هنا | |
|
هنا جلال
مدير إدارى المنتدى
علم بلدك :
شخصية مفضله :
دعاء :
المزاج :
الموقع : منتديات هنا جلال التعليمية
| | موضوع: رد: خلع فى التاسع..كوميديا ساخرة الأربعاء 04 يوليو 2012, 10:30 am | |
| منتدى تعليمي لكل المراحل الدراسية من الكي جي إلى الثانوية العامة
ماما هنا | |
|
