مره واحد اسلامى كلام فى الانتخابات

مرة واحد إسلامى دخل الانتخابات...نجح،
قالوا: بسبب الشعارات الدينية.
سقط، قالوا: طبعا هو مال الدين ومال السياسة؟
قاطع الانتخابات، قالوا: شفتوا السلبية؟!
دخل بأغلبية، قالوا: عشان يكوّش على المقاعد وتبقى دولة دينية.
... دخل بثلث المقاعد، قالوا: عشان يعترضلنا على كل حاجة.
دخل بأقلية، قالوا: شفتوا؟ ده حجمهم الحقيقى.
ساب لهم البلد ومشى، قالوا: سابولنا البلد خربانة وطفشوا.
ساب الأرض وراح المريخ، قالوا: راح يستغل سذاجة المواطن المريخي ويعمل له غسيل مخ.
رفع عليهم قضية سبّ قالوا: بيسيء استخدام الحق العام وضد حرية التعبير واحنا كنا بنهزر.
راح يعتصم في التحرير قالوا : البلد مش ناقصة و عاوز يعمل فوضى
فقد أعصابه وشتمهم، قالوا: شفتوا السفالة؟
سابهم وراح اعتكف، قالوا: شفتوا الدروشة؟
زهق ورمى نفسه في البحر، قالوا: انتحر ابن الكافرة!
قعد على جنب يقرا قرآن، قالوا: بيعزّم علينا.
قال حسبى الله و نعم الوكيل، قالوا: بيحسبن علينا.
قام راح شغله، قالوا: طمعان فى الدنيا.
ربّى دقنه، قالوا: متمسك بالمظهر مش بالجوهر.
حلق دقنه، قالوا: منافق.
نزل التحرير، قالوا: ركب الثورة.
سابلهم التحرير، قالوا: خان الثورة
نزل مرشح للرئاسة قالوا رجل اعمال زى احمد عز

نزل بديل ، قالوا استبن

حتى الآن كسبان بنسبة 30% امال لو نزل بالعربية كلها كان ح يكسب بنسبة كااااااااام

نزل البوست ده فى صفحته قالوا ايه العبط ده ..

وتستمر المعاناه....وسيأتى النصر ان شاء الله.

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: وتستمر المعاناه....وسيأتى النصر ان شاء الله.

فعلاً معاناه والشعب تعب جدا بما يحدث حوله واصبح في تشتت وعدم تركيز
ندعو الله أن يولى امورنا خيارنا إن شاء الله

مشكووور استاذ سعيد

[ندعوك للتسجيل في المنتدى أو التعريف بنفسك لمعاينة هذه الصورة]

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]