ماري كوري

موضوع: ماري كوري الثلاثاء 15 نوفمبر 2011, 12:47 pm

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

مارى كورى Marie Curie اسمها الاصلى قبل الجواز ماريا سكلودوفسكا Maria Skłodowska ( وارسو ، بولاندا دلوقتى ، 7 نوفمبر 1867 - باسى ، فرنسا ، 4 يوليه 1934 ) عالمة فيزيا بولنديه عاشت فى فرنسا ، اكتشفت مع جوزها بيير كورى فى باريس سنة 1898 عنصرين البولونيوم و الراديوم.مارى كورى اول سيدة تاخد دبلوم الفيزياء من جامعة السوربون و أول سيدة تحاضر فى السوربون ، و هى الشخص الوحيد اللى أخذ جائزة نوبل مرتين مره فى الفيزياء و مره فى الكيمياء.

مارى كانت بنت مدرس فى وارسو فى بولاندا التى كانت وقتها جزء من الامبراطوريه الروسيه و اظهرت نبوغها و هى مازالت صغيره ، و التحقت بعمل لكى تساعد اسرتها ، لكن بالرغم من تميزها فى الدراسه الجامعه لم تقبلها بسبب التفرقه الجنسيه و السياسيه ضد البولنديين وقتها فإضطرت انها تكمل تعليمها عن طريق دروس سريه فى وارسو كانت اسمها " الجامعه الطائره ".

حلم مارى كان انها تدرس فى جامعة السوربون فى باريس فراحت باريس و عملت امتحانات القبول و نجحت و درست هناك و كانت اول سيدة فى تاريخ جامعة السوربون تاخد دبلوم فى الفيزياء. بدأت تعمل ابحاثها و تجاربها على معادن بتحتوى على عناصر اليورانيوم و الثوريوم فإكتشفت ان فيه معادن تتميز بخواص نشاط الاشعاع اكتر من المتوقع و ده وصل لاكتشاف عنصر كيماوى جديد اتسمى " بولونيوم " و بعدين اكتشفت عنصر كيماوى تانى ليه خواص اشعاعيه كبيره سمى " راديوم ".

مارى كورى اكتشفت عنصر الراديوم سنة 1898 مع جوزها بيير كورى لما لاحظت ان النشاط الاشعاعى اللى طالع من معدن اسمه يورانينايت (Uraninite) اكبر بخمس مرات من اللى المفروض يطلع من عنصر اليورانيوم او عنصر البولونيوم لو ما كانش فيه غيرهم فى المعدن. بعد ابحاث و تجارب طويله قدرو يحضرو ملح الراديوم كلوريد فى سنة 1902 .العلما احتاجو يعملو عمليات تنقيه لكزا طن من معدن اليورانينايت عشان يتمكنو من تحضير عشر (10/1) جرام من الملح و على سنة 1910 ، مدام كورى و عالم تانى اسمه اندريه لويس ديبرين قدرو يفصلو لأول مره فى التاريخ عنصر الراديوم لوحده.

مارى كورى و جوزها بيير اخدو جايزة نوبل فى الفيزيا سنة 1903 ، وبعد ما اتوفى جوزها عرضت عليها جامعة السوربون انها تاخد مكان جوزها فى التدريس فى الجامعه فكانت اول ست تدرس فى السوربون ، و استمرت تعمل ابحاثها على عناصر البولونيوم و الراديوم ، و نجحت فى استخراج الراديوم سنة 1919 ، و فى سنة 1911 اخدت جايزة نوبل فى الكيميا بسبب توصلها لمستخرج نقى لعنصر الراديوم. و بكده بقت هى الشخص الوحيد اللى أخد جايزة نوبل مرتين.
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

حقيقي سيدة تستحق الاشادة بها وعقلية تحترم
مشكووورة لومة على حُسن إنتقائك

[ندعوك للتسجيل في المنتدى أو التعريف بنفسك لمعاينة هذه الصورة]

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]