ساعات بتصعب عليا نفسى

[ندعوك للتسجيل في المنتدى أو التعريف بنفسك لمعاينة هذه الصورة]

ساعات بتصعب عليا نفسى

[ندعوك للتسجيل في المنتدى أو التعريف بنفسك لمعاينة هذه الصورة]

ساعات بتصعب عليا نفسى

هو مش ساعات

هو كتير

وساعات بأحس أن الدمعة

هتفر من عينى

وبتفر كتير

وساعات بأمسك نفسى

وأقول أنا ليا أسمى

أهو بضحك على نفسى

بكلمتين

وأقول لنفسى شوف

أشعارك وصلت فين

دا انت لما بتكتب حرف

بيلف الدنيا فى غمضة عين

وشوف عدد المعجبات والمعجبين

وكتير كلامك بيتنقل باسماء مشهورين

كل الحكاية أن واحد جارى

جالى من يومين

أو يمكن من أسبوعين

الصراحة مش فاكر

الخبطة كانت شديدة عليا حبتين

بس كل اللى فاكره

انه خدنى على جنب

وقلى اقولك كلمتين

قلتله اتفضل

قلى الموضوع ده سر

بس انا علشان بحبك

وفيه ما بينا ود

جيتلك قبل ما اقول لاى حد

قلتله خير

أنا عارف ان قلبك أخضر زى الزرع

من كتر الخير

قول ياعم

قلى فيه مسابقة ومطلوب موظفين

عمال فى مستشفيات

الحق نفسك وروح وقدم ورقك

فى الدرى من سوكات

وسيبك من الشهادات

دا لو معاك شهادات

هما عايزينك بالاعدادية

ودى بالنسبة لك

انا شايف انها مية مية

هتقبض 170 جنية

دة طبعا غير الحوافز والبدلات

هى صحيح بعقد

بس بكرة تتثبت

وتبقى ايامك شربات

قلتلة كتر خيرك

أنا عمرى ما أنسى جميلك

أه يا بلد بتموتينى حى

وتدفيننى حتة حتة

أه يا بلد نفسى الاقى

معاكى سكة

نسيانى من يوم ما اتولدت

لحد ماموت

تعبت من الكلام

وتعبت من السكوت

وتعب منى التعب

ولا عاد بينا كلام ولا عاد بينا عتب

لو الاقى حد يشترى الكبد

ولا يشترى الطحال

ولا يشيل الجتة

أه يا بلد من يوم ما أتولدت

وأنا من سكة وانتى من سكة

والله لو أنا أسرائيلى

كنتى تطبطبى عليا تضمينى

وتنيمينى فى حضنك

وتفتحيلى قلبك

وتقوليلى أطلب يا نور عينى

بدل الحتة أجيبلك ميت حتة

الشاعر

عبد الحميد بدوى

[ندعوك للتسجيل في المنتدى أو التعريف بنفسك لمعاينة هذه الصورة]

المدير العام علم بلدك :

عبد الحميد هذا بن بدوى الصغير قراتها وعلمت قبل نهايتها انه له
له بصمه مميزه شعر السرد
بوركت عبده وبرك اخوك بن بدوى الكبير على العرض الطيب الشيق

حقيقي شعره مميز وله بصمة مميزة

من تقدم لتقدم إن شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

منتديات هنا جلال التعليمية
[ندعوك للتسجيل في المنتدى أو التعريف بنفسك لمعاينة هذا الرابط]

منتدى تعليمي لكل المراحل الدراسية من الكي جي إلى الثانوية العامة
ماما هنا

[ندعوك للتسجيل في المنتدى أو التعريف بنفسك لمعاينة هذه الصورة]

شكرا لتشجيعكم له بس والله عجبانى جدا كلماتى بتعكس حال كتير من الشباب
وهما هيعملوا ايه بس لازم البلد تنظر لهم كفايه نظر للموظفين هما محتاجين نظر
لازم الحكومه تلبس نظاره نظر علشان تشوفهم وتقدر مدى النعاناه التى يعانيها هؤلاء
احنا مش محتاجين نظاره نظر احنا محتاجين شوية نظر وكما يحطوا فى عينهم شويه ملح
انا خايف هما يعملوا ثوره تانيه والوضع لايحتمل
على كل شكرا على مروركم الطيب

[ندعوك للتسجيل في المنتدى أو التعريف بنفسك لمعاينة هذه الصورة]

» غــــــارُ حتى من نفسى ,,, {
» انا نفسى نحب بلدنا بجد
» السياسة الإيرانية "عليا وعلى أعدائى"
» سألتني نفسى يوما
» قصيدة وكان نفسي....