تحب نتعرف ؟؟

اقتباس :

لكن عندما يصدر من ناس على علم بك هذا هو القاتل

طبعا سوء الظن ممن يعرفنى حقا وليست معرفه سطحيه
لانه يعرفنى جيدا يجب الا يكون سىء الظن بى
اما من لايعرفنى فلا حاجه لحسن او سوء الظن

اقتباس :

droos .... سبنا من موضوع الخيانة دا وخليينا فى موضوعنا

وياااااارب ما يصدفك أبدااااااااً ... أبداااااااااً

ايه السؤال ال بعد كدا؟؟؟؟؟؟

لا نسيب السؤال ازاى وdroos لسه دورها مجاش لابد ان يقتل الموضوع بحثا

اتفضلى جاوبى يا droos

تعالو نجمع النقاط الرئيسيه اللى قلناها ونشوف القاسم المشترك مثل
سعيد

اقتباس :

اكبر حاجه تضايقنى يكون اللى قدامى مش فاهمنى
والحاجه التانيه انه يكذب
والحاجه الثالثه الخبيث

ماما هنا

اقتباس :

اولاً : التعامل معي بوجهين لاني بثق فى الاخرين بسرعة
ثانياً : تجاهلهم لي فأنا لا احب اللامبالاة
ثالثاً : سوء الظن لاني لا اسيئ الظن بالآخرين

أحلام

اقتباس :

ال يضايقنى أوى أوى .... الخيااااااااااااانة ..... والغدر ...

والحجة التالتة هى ... التناقض فى القول والعمل

droos

اقتباس :

أكتر شخص يضايقنى و يخنقنى (السوسه..أبو وشين)...فى وشك أليف و يحبك ..ومن وراك ربنا يرحمنا


عدم إحترام المواعيد واللامبالاه بالوقت

على ما droos تفكر فى السؤال اللى بعد كده نطلع القاسم المشترك اللى اتفقنا عليع ولو بالمعنى مش معم اللفظ يعنى خبيث مثل منافق مثل سوسه بوشين و كده
وطبعا لازم نشوف احنا فينا من هذه الصفات ولا لأ مش عاوز اقول اللى شايف فينا حد فيه صفه يقولها لكن بلاش دى

اقتباس :

ماذا تريد أن تغير فى نفسك ؟؟؟؟؟؟؟؟؟؟

يوووووه حجات كتييييير
عاوز ابطل التدخين
وابطل هزار وضحك
الانتقاد مش كتير
يعنى مثلا فى البيت وطبعا عارفين اللى فى البيت ولا أفسر
بخرجهم كل اسبوع يوم فى مكان مختلف
وطبعا الكسل وارتباطات كتير احيانا بتشغلنى
كفايه كده على ما افتكر

اقتباس :

لالالالالالالالالازم تبطل تدخين...إثبت لنفسك إنك قادر

مش بس تتشطروا على حسنى هههههه

انتى عارفه المشكله انى مش بادخن بكثره يعنى العلبه تكفينى يومين وده اللى مش محسسنى بالمشكله
لكن عاوز ابطلها علشان الأولاد ميشوفونيش وان بادخن وبعدين انتى عارفه انى من الشخصيات العامه فى البلد وميصحش يشوفونى وانا مدخن
انتى تعرفى لو حسنى بيدخن كان بقه دمه خفيف وكان فهم على طول اول مطلعناله

اقتباس :

على أساس إن الدنيا وردى والحياه جميله ..ومش محتاجه للى يحليها؟؟؟!!!1

أنا بقى نفس أبطل إكتئاااااااب

تعرفى اللى بيضحك كتير بيبقى اكثر من غيره احساس بالكآبه
ودى عملية اسقاط لكن يابنتى بخبرة الشنين (السنين)
عاوزه تبطلى اكتئاب اوجدى لنفسك بديل عن اى فكره تسيطر عليكى بسرعه
ودا طبعا عاوز تدريب
اه الكسل لعنه وانا كمان اكسل اكسل وتلاقينى طلقه واذا نويت اخلى الدنيا مكهربه فى البيت والشغل
ودا عادى للكسلانين طبع فيهم
لكن والله احيانا من كثرة الواجبات اقفل التليفون واريح دماغى
مش لاقى وقت
كفايه عليكى كده
يله متوهيناش وقرى واعترفى
والله انا شاعر ان الموضوع ده علاج نفسى محترم وشاعر بصدق احلام وماما هنا وطبعا انا كمان
فاضل انتى علشان اعلق على الكل

اقتباس :

التدخين السلبى مضر جدا لصحة الأولاد..ليس فقط كقدوه ..ولكن صحتهم فى خطر

دا دا دا دا..وأنت السبب !!!!1

انا مش بادخن مع الاولاد خالص فى البيت لى غرفه خاصه اسمها ركن السلطنه

اقتباس :

نعم نعم نعم(إيدى فى وسطى)

يعنى إيه ؟ كلكم صرحاء ..وأنا فشنك؟

هههههههههههههههههههه
لا يا ماما ان مش عاوز ضمنى انا عاوز زينا كده اولا وثانيا وثالثا

اقتباس :

الحساسيه الزائده...العصبيه...الإنعزاليه...الكسل أحيانا كثيره

ممكن أعد لك حتى الغد ..فاضى؟؟هههههههههههههه

ايوه كده وبعدين مش عيب اعتقد اننا اسره واحده وشعورى كده فعلا الفضفضه دى عباره عن صندوق مقفل واحنا بنفتحه نهويه ونطرد منه الاشياء الضاره بنشمسه يعنى

اقتباس :

أنا نفسى أنطلق ... أخرج من السجن ال أنا حابسة نفسى جواه ....

وايه اللى منعك اعملى جدول حالا اذا كانت ظروفك تسمح مثلا كل يوم خميس تكون لك زياره لحد قريب أو صديقه جددى العلاقه بيها هيكون صعب فى الأول زى الحقنه كده بتوجع لكن بتخفى بعدا
يله فورا افتحى الشباك حالا وانظرى منه على الشارع وامسكى التليفون وكلمى اى حد
لازم ثوره على الحبس الارادى
وانصحك اقراى كتاب دع القلق وابدأ الحياه لكاتب اسمه ديل كارننجى
ابحثى عنه واقرأى فيه الى انتى فيه ده خوف من الخارج

اقتباس :

أولاً حساسة بصورة زائدة جداً لدرجة المرض ربما تجعلني لا انام واعيش مع مشاكل الآخرين حتى البعيدين عني


ثانياً هي نفس مشكلة لومة بس انا التوكيل
* عمرى في حياتي ما نزلت اشترى شىء لوحدي
* لم اركب مواصلات عامة منذ كنت في الجامعة

الحساسيه دى مش شىء سىء ولا حاجه ولكن كل شىء حسن جيد اذا زاد اصبح غير ذلك
يعنى حضرتك التوكيل المصدر للعزله طبعا الستات كلهن يميلوا الى العزله والجلوس فى البيت ودا طبيعى لكن لابد من علاقات وخروج على الأقل يوم فى الشهر ولازم نبدأ فورا
يعنى لو احلام أو droos قريبين من بعضكم ليه متتفقوش وتعملوا خروجه حلوه
هتشوفوا الفرق وافضل شىء ان الواحد يا خد اجازه من نفسه والروتين يعيش يوم بعيد عن اى عادات كان بيعمله اركبى اتوبيس مترو اى مواصله عامه من غير هدف كده وارجعى صدقونى وصفات مجربه

اقتباس :

الحساسيه الزائده...العصبيه...الإنعزاليه...الكسل أحيانا كثيره

كما قلنا الحساسيه الزائده دى ليست مرض ولكنها شىء طبيعى خالص ويتمتع بها الاذكياء لان عنهم الحاسه الخامسه زياده شويه
وده نتيجه الذكاء المعطل واعتقد بمجرد تسجسيلك فى المنتدى واندماجك بتخف لانك بستغلى وبتشغلى الطاقه دى
اما العصبيه دى نتيجة العزله طبيعى خالص انعزال =عصبيه أو انطواء وعدم مسليرة الحياة الاجتماعيه مخافة الخطأ
ودى عاوز اجازه اسبوعيه او شهريه
..................................................
واى اعراض تظهر ممكن العياده بقى انا موجود من الساعه 6 الى الساعه 6.5
يعنى خمس دقائق

اما عن تجربتى وخبراتى فقد اتفقت انا وزوجتى نأخذ اجازه من بعضنا يومين فى الشهر
هى تذهب الى بيت عائلتها وان اذهب فى ى مكان حتى لو تحت كوبرى
المهم نكسر الروتين اليومى بعده بتيجى فرش فعلا وكانت فى بدايه الزواج مش بتحب تخرج خالص بدات اعرفها على اسر ونخرج وجبته لنفسى اصبحت عاده
والحمد لله طبعا المرأة تختلف عن الرجل فى العزله والانطواء
بالنسبه الى الهزار والضحك ليس طبعا مخلا والا لم انتخب الى فض منازعات بين اسر ولكنى استطيع ان اخرج من فى حالة غيظ الى التهدئه واؤؤكد انا هذا كلها كانت ليست طبيعتى ولكنى تعلمتها وتدربت على يد الشخ الغزالى وديل كارنينجى طبعا من خلال الكتب
واهم الكتب دع القلق وابدأ الحياة
وكتاب كيف تختار الاصدقاء وتؤثر فيهم
وسلام بقى ايدى وجعتنى وحسنى واولاده فى السجن

اقتباس :

ممكن أعرف من نصبك أستاذ الدكاتره علينا؟؟؟

اى طبيب مش عاوز انتخاب هو تعليمه كده يووووه مهنه صعبه ربنا يكون فى عوننا

اقتباس :

ويا سلام على تواضعك يا شيخ ...5 دقايق ؟؟ دقيقه كل جلسه ولا مجمعين ؟؟؟

اقتباس :

انتى عارفه انى الدكاتره المشهورين الدقيقه عندهم غاليه

اقتباس :

نصيحه منى ..أرؤف بحال المسكينه...وخليهم كل أسبوع

هى مش راضيه بتقول خليهم كل شهرين اصل بوحشها انا بوحشها لمجرد فترة النوم تقوم الصبح تبص زى مايكون ضايع منها حاجه اقولها مالك تقول نورك مزغلل عنيا عاوزه اشوفك

اقتباس :

ومش واضح ليه إنه وحيد ..يا عينى

لا طبعا القرآن بيقول ان ابراهيم كان أمه

اقتباس :

هههههههههههههههههه

ياااااااااااااااااااااه أخيراً فهمتى ...

دا انتِ فهمك تقييييييل أوى

أديكِ شوفتى بنفسك ... الحمد لله

يلا ندخل ع السؤال الجديد ؟؟؟؟؟؟؟؟

يعنى ايه كلوكوا عليه ولا ايه هجيب الظابط

اقتباس :

مين الظابط ده يا كنج ؟ ممكن يكون أنا مثلاً
عموماً أنا دايما مع المظلوم
ولو لك حق هتاخده

لا طبعا حضرتك اكبر من كده
دى كانت مسرحيه بتاع محمد صبحى لو فاكره عم ايوب
ايوه والله ماماهنا خليكى جنبى شوفى اتحدوا على الاتنين وبيقولوا انا مغرور

اقتباس :

إذكر 3 أهم أشياء لا تستطيع السفر بدونهم

[ندعوك للتسجيل في المنتدى أو التعريف بنفسك لمعاينة هذه الصورة] الفلوس طبعا
الموبايل [ندعوك للتسجيل في المنتدى أو التعريف بنفسك لمعاينة هذه الصورة] اللبس (الهدوم)

-

اقتباس :

زوجى العزيز

2- الموبايل ... شىء مهم جداً لازم يكون معايا

3- أحمد ابنى ... مش ممكن أبداً اروح أى مكان من غيره

وبس خلاص

-

اقتباس :

زوجي
2- سكر الدايت بتاعي( شوجرماتش) يلا علشان الدعاية
3- اللاب توب بتاعي

طلبات معقوله جدا جدا لكن مع احترامى للزوج العزيز لماما هنا وأحلام
هو الزوج حاجه بتتاخد نفترض انه مش فاضى.... مكسل نعمل ايه
نقعد وخلاص طيب السفريه مهمه ومش محتمله التأخير وهو مش موجود
ناخده ازاى لا لا
انا لو مراتى خدتنى معاها مش عارف اقول ايه ............ هروح على طول طبعا ههههههههههه
لكن واجب على droos تحدد نوع السفريه بعيد ولا قريب
اه كل سفر وله مطالبه
وانتى بقى يا droos هتخدى ايه معاكى
هو انا لازم اسال اله

اقتباس :

لماذا لا نشعر بالسعاده؟؟؟ ولماذا تبتسم شفاهنا وتأبى قلوبنا إلا الإنزواء؟؟؟؟؟



يلا عايزه تحليلات كبيره كده وكلاكيع ههههههههههههههه

لسبب بسيط جدا وبدون كلاكيع لا يشعر الانسان بالسعاده لانه لم يحقق شيئا يريده
وطبعا الكل ممكن يقول انا الحمد لله حققت كل اللى اتمناه هذا مجرد كلام ظاهرى
اما الباطنى فلا فى مكنونات كل منا أمانى يريد تحقيقها ويقف فى طريق تحقيقها اشياء كثيره
على حسب الحاجه من الممكن تكون اشياء اجتماعيه موروثه تقف عائقا ومن الممكن الخوف من شىء ما سيحدث
هناك صراع دائم فى النفس تقول اريد كذا وكذا زايضا هناك ردود من النفس ايضا لا لاجل كذا وكذ
يشعر الانسان بالسعاده اذا تمرد على الواقع بمنطق طبعا ليس عشوائيا
وهناك اكتئاب مرحلة منتصف العمر يجد الانسان نفسه وقد تفاجأ انه لم يحقق كل احلامه
وهناك العديد من المواقف تفصيليا ولكن لايمكن التداول بها هكذا
عاوزه شازلونج وموسيقى واحكى يا معلم