بلدى الشيــــــــــــــــــــــــــن
اعمل ايه اسمها حلو
مش عارف هوه حرف ولا شين ؟
كنا زمان فى بلدنا عايشين حلويين
نروح موالد ومهيصيين
وكمان الحضره وافراح زين
ونشوف الخلفيه يطيروا وهما ميتين
طلعت ناس اسمهم اخوان مسلمين
منعت الموالد وضربت مطار الميتين
واختفت البلطجه والبيره والشباب بقى زين
وخلونا كلنا زى بعض مسلمين
وفجأه طلع حد يهدى المسلمين
اللى هما اصلا فى الحقيقه مهديين
قال ايه هايسيبوا الاوائل ويتبعوا السلفيين
حاجه كده مش عارف باين اسمهم سلفيين
يعنى نسيبوا الاصل ونمسك فى سلف الاولين
وراحوا واخدين فلوس زكاه الغلابه المحرومين
وعاملين بيهاحتة مبنى ياابنى. زى حصن حصين
شكله تحتار فيه مابين سرايا ولا قصر او كمين
وخلوه احسن من فندق فلسطين
تروح هناك تتكيف وتنسى انته مين
لا لك دعوه بميه بيشربوها بره زى الطين
ولا مجارى ماليه البلد ولا مرضى مرطرطين
ولا مشاكل ولا دياوله وتتفرغ للقرايه واكل السمين
بس اهم شىء تلبس طرحه وتقصر ديلك وتعمل لحيتين
وتدعى لواليك نهار وليل وتسبح بحمده وتسجد له سجدتين
وتقسم بلدك فريقين تلاته وان طولت تعملهم تلاتين
فريق يتنعنع فى المجمع والباقى ياكل طين
عاجبكم كده يااهل الشين
كنا قبل كده حرف وبقينا شين
وهدانا قبل كده رب العالمين
وضللنا بعد كده التلفيين
علشان يرضوا ربهم حسن ى الامين
علشان كده لازم نفضل شين