التغريبة

طعم البعاد صبار .. والغربة ليل بهتان
ياقلبى ياموجوع .. إياك تكون قلقان
لو طالت المسافات .. انا والأمل اخوات
وتالتنا كان الليل .. ده انا ليا فيها النيل
وليها فيا الروح .. ما اخترتش انى اروح
ما انا جوعى كان كفران .. ملعون ابوك ياطموح
أخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل
لكـنى مش بتشاف .. زهرة سنينى عجــاف
مع إنى ليا عزيز .. افتونى فى رؤياى
لمـوا الأمانى ازاى .. حطوها على الباسبور
احلامى صبحت بور .. ممنوع عليه الضى
لكنى مش قلقان .. تذكرتى رايح جى
البعد عنك خوف .. وانا عالرجوع ملهوف
لكن هعود ازاى .. ومكانى كله ضيوف
ياقلبى ياموجوع .. يا آهه حاضنة دموع
حب البلد بيعيش .. لما يموت الجوع
ياحضن بيساعنى .. واحتجت له وباعنى
ساعة ما مد ايديه .. شاور وودعنى
لكـنى مش قلقـان .. تذكـرتى رايح جـى[/color][/color]

:بلا:

تسلم ايدك يا سلومه ياقمر
بروكتى حبيبتى وبارك قلمك
وربنا يبارك فيكى ياسمسه يارب
كلمات فى منتهة الروعه تعالج مشكلة خطيره وهى الكفيل او العبودية الحديثه
وطبعا بيغنيها حمزة نمره
:77127: :77127: :13208557299:

إيه الجماااال ده يا سمسمة..
رااائع .. رااائع .. رائع

[ندعوك للتسجيل في المنتدى أو التعريف بنفسك لمعاينة هذه الصورة]